Madhu Yashki Goud : ఆ పోస్ట‌ర్ల వెనుక భారీ కుట్ర

Madhu Yashki Goud : త‌న‌కు వ్య‌తిరేకంగా గాంధీ భ‌వ‌న్ గోడ‌ల‌పై పోస్ట‌ర్లు వేయ‌డం వెనుక బీఆర్ఎస్ ఎమ్మెల్యే సుధీర్ రెడ్డి హ‌స్తం ఉందంటూ సంచ‌ల‌న ఆరోప‌ణ‌లు చేశారు కాంగ్రెస్ పార్టీ క్యాంపెయిన్ చైర్మ‌న్ , మాజీ ఎంపీ మ‌ధు యాష్కి గౌడ్ .

Madhu Yashki Goud Comments on MLA Sudheer Reddy

మంగ‌ళ‌వారం ఆయ‌న మీడియాతో మాట్లాడారు. తాను పోటీ చేస్తాన‌ని ప్ర‌క‌టించ‌గానే ఎమ్మెల్యే ఓడిపోతాన‌ని భ‌యానికి లోన‌య్యారంటూ పేర్కొన్నారు. అందుకే కొంద‌రితో త‌నకు వ్య‌తిరేకంగా ప్ర‌చారం మొద‌లు పెట్టాడంటూ మండిప‌డ్డారు.

ఇలాంటి చ‌వ‌క‌బారు ప్ర‌య‌త్నాలు, వ్యూహాలు కేవ‌లం బీఆర్ఎస్ నాయ‌కుల‌కే వ‌స్తాయ‌ని పేర్కొన్నారు. ఈ పోస్టుల వెనుక ఎమ్మెల్యే హ‌స్తం ఉందన్న అనుమానం వ్య‌క్తం చేశారు మ‌ధు యాష్కి గౌడ్(Madhu Yashki Goud). ఇలాంటి త‌ప్పుడు ప్ర‌చారం చేయ‌డం మానుకోవాల‌ని సూచించారు. లేక పోతే రాబోయే రోజుల్లో ప్ర‌జ‌లు త‌గిన రీతిలో గుణ‌పాఠం చెప్ప‌డం ఖాయ‌మ‌న్నారు.

కాంగ్రెస్ పార్టీలో ఉంటూ గోతులు త‌వ్విన వ్య‌క్తి సుధీర్ రెడ్డి అని ఆరోపించారు. పార్టీ టికెట్ పై గెలిచి ఆ త‌ర్వాత బీఆర్ఎస్ లోకి జంప్ అయిన ఎమ్మెల్యేకు అంత సీన్ లేద‌న్నారు. తాను బ‌రా బ‌ర్ పోటీ చేయ‌డం ఖాయ‌మ‌న్నారు మ‌ధు యాష్కి గౌడ్.

Also Read : Sanju Samson : సంజూ శాంస‌న్ కు బీసీసీఐ షాక్