Merugu Nagarjuna : జ‌గ‌న్ కే జ‌నం జై కొడ‌తారు
ఏపీ మంత్రి మేరుగు నాగార్జున
Merugu Nagarjuna : అమ‌రావ‌తి – ఆంధ్ర‌ప్ర‌దేశ్ వైసీపీ మంత్రి మేరుగు నాగార్జున షాకింగ్ కామెంట్స్ చేశారు. త్వ‌ర‌లో జ‌ర‌గ‌బోయే అసెంబ్లీ ఎన్నిక‌ల్లో వైసీపీ త‌ప్ప‌కుండా రెండోసారి విజ‌యం సాధిస్తుంద‌ని ధీమా వ్య‌క్తం చేశారు. మంత్రి మీడియాతో మాట్లాడారు.
Merugu Nagarjuna Comment
త‌మ‌ను చూసి కాకుండా త‌మ నాయకుడిని చూసి జ‌నం ఓట్లు వేస్తారంటూ పేర్కొన్నారు. త‌మ నాయ‌కుడి మాట‌లు త‌మ‌కు శిరోధార్యం అన్నారు. గంగ‌లో దూక‌మ‌న్నా దూకుతామంటూ స్ప‌ష్టం చేశారు. త‌మ నియోజ‌క‌వ‌ర్గ ప్ర‌జ‌లు త‌మ‌ను గెలిపించేందుకు సిద్దంగా ఉన్నార‌ని అన్నారు.
ఇంఛార్జీల‌ను పార్టీ బలోపేతం చేసేందుకే మార్చ‌డం జ‌రిగింద‌ని చెప్పారు. తాము మారిస్తే ప్ర‌తిప‌క్షాల నేత‌లు ఎందుకు ఉలికి ప‌డుతున్నారంటూ ప్ర‌శ్నించారు మేరుగు నాగార్జున(Merugu Nagarjuna). దేశంలో ఎక్క‌డా లేని రీతిలో సంక్షేమ ప‌థ‌కాలు అమ‌లు చేసిన ఘ‌న‌త జ‌గ‌న్ మోహ‌న్ రెడ్డికి ద‌క్కుతుంద‌న్నారు.
ఇవాళ తాము ప్ర‌వేశ పెట్టిన వాలంటీర్ల వ్య‌వ‌స్థ‌ను ప్ర‌శంస‌ల‌తో ప్ర‌ధాన మంత్రి మోదీతో పాటు ఇత‌ర కేంద్ర మంత్రులు ప్ర‌శంస‌లు కురిపించార‌ని పేర్కొన్నారు మేరుగు నాగార్జున. ఇక చంద్ర‌బాబు నాయుడు, ప‌వ‌న్ క‌ళ్యాణ్ క‌లిసి క‌ట్టుగా ఎన్ని మాయ మాట‌లు చెప్పినా జ‌నం న‌మ్మే స్థితిలో లేర‌న్నారు. ఇప్ప‌టి దాకా ఏపీని స‌ర్వ నాశనం చేసిన ఘ‌నుడు బాబు అంటూ ఎద్దేవా చేశారు.
Also Read : Gaddam Prasad Kumar : గులాబీ నేత‌లు హుందాగా ఉండాలి