RK Roja Chandrababu : చంద్ర‌బాబుపై నిప్పులు చెరిగిన రోజా

RK Roja Chandrababu : ఏపీలో రాజ‌కీయాలు మ‌రింత వేడిని రాజేస్తున్నాయి. ఇప్ప‌టికే నేత‌ల మ‌ధ్య మాట‌ల యుద్దం మొద‌లైంది. నువ్వా నేనా అంటూ ఆరోప‌ణ‌లు చేసుకుంటుండ‌డంతో ప్ర‌జ‌లు రెచ్చి పోతున్నారు. ఇంకా ఎన్నిక‌లు జ‌రిగేందుకు టైం ఉన్న‌ప్ప‌టికీ అన్ని పార్టీలు త‌మ త‌మ వ్యూహాల‌తో క‌దులుతున్నాయి.

ఇక ఇదేం ఖ‌ర్మ , చంద్ర‌న్న కానుక‌ల పేరుతో టీడీపీ చీఫ్ , మాజీ సీఎం నారా చంద్ర‌బాబు నాయుడు ఆధ్వ‌ర్యంలో చేప‌ట్టిన స‌భ‌లు ఉద్రిక్త‌త‌కు దారి తీస్తున్నాయి. ప్ర‌ధానంగా ఆయ‌న చేప‌ట్టిన కందుకూరు స‌భ‌లో ఎనిమిది మంది తొక్కిస‌లాట‌లో ప్రాణాలు కోల్పోయారు. అనంత‌రం గుంటూరులో చేప‌ట్టిన చంద్ర‌న్న కానుక కార్య‌క్ర‌మం ర‌సాభాస‌గా మారింది.

తొక్కిస‌లాట‌లో ముగ్గురు మ‌హిళ‌లు ప్రాణాలు కోల్పోయారు. ఈ సంద‌ర్భంగా వివాదాస్ప‌ద ద‌ర్శ‌కుడు రామ్ గోపాల్ వ‌ర్మ చంద్ర‌బాబును హిట్ల‌ర్ , ముస్సొలోనీతో పోల్చారు. తాజాగా రాష్ట్ర ప‌ర్యాట‌క శాఖ మంత్రి ఆర్కే రోజా(RK Roja) నిప్పులు చెరిగారు చంద్ర‌బాబు నాయుడుపై. ఆయ‌న కుప్పంలో స‌భ నిర్వ‌హించేందుకు స‌ర్కార్ అనుమ‌తి ఇవ్వ‌లేదు.

దీనిపై బాబు సీరియ‌స్ అయ్యారు. రోజా గురువారం మీడియాతో మాట్లాడారు. చంద్ర‌బాబుకు సోయి త‌ప్పింద‌న్నారు. ఆయ‌న ఏం చేస్తున్నారో తెలియ‌డం లేద‌న్నారు. తాము త‌ల్చుకుంటే ఎవ‌రూ తిర‌గ‌లేర‌ని అన్నారు. సీఎం జ‌గ‌న్ రెడ్డిని సైకో అని ఏ ర‌కంగా అంటార‌ని ప్ర‌శ్నించారు ఆర్కే రోజా.

ఇంకోసారి నోరు జారితే తీవ్ర ప‌రిణామాలు ఎదుర్కోవాల్సి వ‌స్తుంద‌ని హెచ్చ‌రించారు రాష్ట్ర మంత్రి. ప్ర‌చారం కోసం ప్ర‌జ‌ల‌ను చంపుకుంటూ పోతారా అంటూ నిల‌దీశారు ఆర్కే రోజా(RK Roja).

Also Read : హిట్ల‌ర్..ముస్స‌లోనీ కంటే బాబు డేంజ‌ర్