Sam Pitroda Modi : ప్ర‌ధానిగా ఉన్నందుకే మోదీకి ఆద‌ర‌ణ

Sam Pitroda Modi : కాంగ్రెస్ ఓవ‌ర్సీస్ చైర్ ప‌ర్స‌న్ శామ్ పిట్రోడా(Sam Pitroda) ఆస‌క్తిక‌ర వ్యాఖ్య‌లు చేశారు. న‌రేంద్ర మోదీకి(Modi) జ‌నాద‌ర‌ణ ల‌భిస్తుండ‌డం అన్న‌ది ఆయ‌న వ్య‌క్తిగ‌త చ‌రిష్మా వ‌ల్ల కాద‌న్నారు. శామ్ పిట్రోడా ప్ర‌స్తుతం రాహుల్ గాంధీ టూర్ లో కీల‌క పాత్ర పోషిస్తున్నారు. ఈ సంద‌ర్భంగా ఆయ‌న యుఎస్ లో మీడియాతో మాట్లాడారు. మీరు ప‌దే ప‌దే మోదీని ప్ర‌స్తావిస్తున్నారు. ఆయ‌న‌కు ఎక్క‌డ చూసినా గౌర‌వం ల‌భిస్తోంద‌ని చెబుతున్నారు. దాంతో నేను కూడా ఏకీభ‌విస్తున్నాన‌ని అన్నారు.

కానీ మోదీకి వ్య‌క్తిగ‌త ఇమేజ్ ఏమీ లేదు. కేవ‌లం ఆయ‌న నిర్వ‌హిస్తున్న పోస్టు ప్ర‌ధాన‌మంత్రి ప‌ద‌వి వ‌ల్ల మాత్ర‌మే వ‌చ్చింద‌ని సంచ‌ల‌న వ్యాఖ్య‌లు చేశారు శామ్ పిట్రోడా. ఇదిలా ఉండ‌గా యుఎస్ చీఫ్ జోసెఫ్ బైడెన్ జూన్ 22న అమెరికా వైట్ హౌస్ లో ప్ర‌ధాన మంత్రికి ప్ర‌త్యేక విందు ఇవ్వ‌నున్నారు. దీనిని కూడా ఆయ‌న ప్ర‌స్తావించారు. ఇందులో త‌ప్పేముంద‌న్నారు శామ్ పిట్రోడా. ప్ర‌పంచంలోనే అత్య‌ధిక జ‌నాభా క‌లిగిన దేశ ప్ర‌ధాని ప్ర‌తి చోటా గౌర‌వానికి అర్హుడు త‌ప్ప మ‌రేమీ కాద‌న్నారు .

భార‌తీయ జ‌న‌తా పార్టీ వ‌ల్ల మోదీకి మ‌ద్ద‌తు ల‌భించ‌డం లేద‌ని కుండ బ‌ద్ద‌లు కొట్టారు. వాళ్లు సోష‌ల్ మీడియాను త‌మ‌కు వ్య‌తిరేకంగా ఎలా వాడుకుంటున్నార‌నేది స్ప‌ష్టం చేశారు శామ్ పిట్రోడా. రాహుల్ గాంధీ కొన‌సాగుతున్న ప‌ర్య‌ట‌న అమెరికాలో ఆశ‌లు, ఉత్సాహం నింపింద‌ని పేర్కొన్నారు. భార‌త ప్ర‌జాస్వామ్యం త‌ప్పుడు మార్గంలో వెళితే ప్ర‌పంచ‌మే దానికి మూల్యం చెల్లించు కోవాల్సి ఉంటుంద‌ని హెచ్చ‌రించారు.

Also Read : Dial Your TTD EO