Mynampally Hanumantha Rao : బీఆర్ఎస్ లో ఇబ్బంది పెట్టారు

Mynampally Hanumantha Rao : వివాదాస్ప‌ద వ్యాఖ్య‌ల‌తో సంచ‌ల‌నంగా మారిన బీఆర్ఎస్ ఎమ్మెల్యే మైనంప‌ల్లి హ‌నుమంత రావు మ‌రోసారి ఘాటు కామెంట్స్ చేశారు. త‌న‌ను భార‌త రాష్ట్ర స‌మితి పార్టీలో తీవ్ర ఇబ్బంది పెట్టారంటూ వాపోయారు. మొత్తంగా త‌న అనుచ‌రుల‌తో క‌లిసి మ‌రోసారి స‌మావేశం అవుతాన‌ని వారు ఎలా చెబితే అలా తాను నిర్ణ‌యం తీసుకుంటున్న‌ట్లు చెప్పారు.

Mynampally Hanumantha Rao Comments Viral

త‌న‌తో పాటు త‌న త‌న‌యుడు కూడా ఈసారి ఎన్నిక‌ల్లో పోటీ చేయ‌డం ఖాయ‌మ‌న్నారు. కానీ ఏ పార్టీ నుంచి బ‌రిలో ఉంటామ‌ని తాను ఇప్పుడే చెప్ప‌లేన‌న్నారు మైనంప‌ల్లి హనుమంత రావు(Mynampally Hanumantha Rao). ఇవాల్టి నుంచి వారం రోజుల పాటు విస్తృతంగా మ‌ల్కాజ్ గిరి నియోజ‌క‌వ‌ర్గంలో తాను ప‌ర్య‌టిస్తాన‌ని చెప్పారు.

మెద‌క్ నియోజ‌క‌వ‌ర్గంలో ముఖ్య నాయ‌కులు బీఆర్ఎస్ వ‌ల్ల తీవ్ర ఇబ్బంది ప‌డుతున్నార‌ని అన్నారు. క‌రోనా క‌ష్ట కాలంలో మా బాబు ప్రాణాల‌కు తెగించి ప్ర‌జ‌ల ప్రాణాల‌ను కాపాడార‌ని చెప్పారు మైనంప‌ల్లి హ‌నుమంత రావు. కేవ‌లం ప్ర‌జ‌ల కోస‌మే 8 కోట్ల రూపాయ‌లు ఖ‌ర్చు చేశామ‌ని స్ప‌ష్టం చేశారు.

అంత‌కు ముందు తిరుమ‌ల సాక్షిగా మైనంప‌ల్లి షాకింగ్ కామెంట్స్ చేశారు. ఆయ‌న ఆర్థిక‌, ఆరోగ్య శాఖ మంత్రి త‌న్నీరు హ‌రీశ్ రావుపై నిప్పులు చెరిగారు. ఒక‌నాడు స్లిప్ప‌ర్ల‌తో తిరిగిన హ‌రీశ్ కు ల‌క్ష‌ల కోట్ల ఆస్తులు ఎలా వ‌చ్చాయంటూ ప్ర‌శ్నించారు.

Also Read : Bandi Sanjay : కాంగ్రెస్ కు కేసీఆర్ స‌పోర్ట్ – బండి