Nagam Janardhan Reddy : జూప‌ల్లి కామెంట్స్ నాగం సీరియ‌స్

Nagam Janardhan Reddy : నాగ‌ర్ క‌ర్నూల్ జిల్లా కాంగ్రెస్ పార్టీలో క‌ల‌వ‌రం మొద‌లైంది. ఆ పార్టీకి చెందిన సీనియ‌ర్ నాయ‌కుడు , మాజీ మంత్రి నాగం జ‌నార్ద‌న్ రెడ్డి సంచ‌ల‌న వ్యాఖ్య‌లు చేశారు. గురువారం నాగం హైద‌రాబాద్ లో మీడియాతో మాట్లాడారు. ఇటీవ‌లే కాంగ్రెస్ పార్టీలో చేరిన మాజీ మంత్రి జూప‌ల్లి కృష్ణా రావును టార్గెట్ చేశారు. ఆయ‌న అంత పెద్దోడు ఎప్పుడైండో తెలియ‌ద‌న్నారు.

Nagam Janardhan Reddy Comments Viral

విచిత్రం ఏమిటంటే జూప‌ల్లికి ఒక్క‌టి స‌రిపోద‌ని అనుకుంటా. ఏకంగా కొల్లాపూర్ , నాగ‌ర్ క‌ర్నూల్ , గ‌ద్వాల్, వ‌న‌ప‌ర్తి సీట్లు కావాల‌ని అడ‌గ‌డం దారుణ‌మ‌న్నారు. ఇందులో ఏమైనా న్యాయం ఉందా అని ప్ర‌శ్నించారు. ఇప్ప‌టికే ఇక్క‌డ సీట్ల లొల్లి మొద‌లైంది. నాగం ఇక్క‌డ త‌న‌కు సీటు కావాల‌ని కోరుతున్నారు. ఆయ‌న ఒక్క‌డే పార్టీ కోసం ప‌ని చేసుకుంటూ వ‌చ్చారు. ఇటీవ‌ల మాజీ జిల్లా ప‌రిషత్ చైర్మ‌న్ , మాజీ ఎమ్మెల్సీ కూచుకుళ్ల దామోద‌ర్ రెడ్డి కాంగ్రెస్ పార్టీలోకి వ‌చ్చారు. దీంతో త్రిముఖ పోరు కొన‌సాగుతోంది.

ఆయ‌న కూడా టికెట్ కావాలని కోరుతున్నారు. దీంతో ఎవ‌రికి టికెట్ ఇస్తార‌నేది విచిత్రంగా మారింది. ఈ త‌రుణంలో నాగం జ‌నార్ద‌న్ రెడ్డి(Nagam Janardhan Reddy) బ‌హిరంగంగా జూప‌ల్లి కృష్ణా రావుపై కీల‌క కామెంట్స్ చేయ‌డం హాట్ టాపిక్ గా మారింది.

ఇదిలా ఉండ‌గా తాజాగా టీపీసీసీ సంచ‌ల‌న ప్ర‌క‌ట‌న చేసింది. ఎవ‌రైనా స‌రే ఎన్నిక‌ల్లో పోటీ చేయాల‌ని అనుకుంటే ఓసీలు రూ. 50 వేలు, బీసీలు రూ. 25 వేలు పార్టీ కోసం చెల్లించాల‌ని కోరింది.

Also Read : Pawan Kalyan : ప‌వ‌న్ భ‌రోసా కార్మికుడికి ఆస‌రా