Nara Lokesh : పెద్దిరెడ్డీ పాపం పండుతుంది – లోకేష్
పుంగ‌నూరులో దాడుల‌పై కామెంట్స్
Nara Lokesh : టీడీపీ జాతీయ ప్ర‌ధాన కార్య‌ద‌ర్శి నారా లోకేష్ నిప్పులు చెరిగారు. శుక్ర‌వారం ఆయ‌న మీడియాతో మాట్లాడారు. పెద్దిరెడ్డిపై ఆగ్ర‌హం వ్య‌క్తం చేశారు. పాపాల పెద్దిరెడ్డీ నీ పాపాలు పండే రోజు ద‌గ్గ‌ర ప‌డింద‌న్నారు. జెడ్ ప్ల‌స్ భ‌ద్ర‌త‌లో ఉన్న ప్ర‌తిప‌క్ష నేత, టీడీపీ చీఫ్ , మాజీ సీఎం నారా చంద్ర‌బాబు నాయుడు ప‌ర్య‌ట‌న‌ను అడ్డుకునేందుకు దాడుల‌కు బ‌రి తెగించ‌డం దారుణ‌మ‌న్నారు.
Nara Lokesh said seriously
ఎంత అభ‌ద్ర‌త‌లో ఉన్నావో దీన్ని బ‌ట్టి చూస్తే అర్థ‌మ‌వుతుంద‌న్నారు నారా లోకేష్(Nara Lokesh). వైకాపా గూండాలు రెచ్చి పోతుంటే పోలీసులు ప్రేక్ష‌క పాత్ర పోషించ‌డం ఎంత వ‌ర‌కు స‌మంజసం అని ప్ర‌శ్నించారు. ప్ర‌స్తుతం రాష్ట్రంలో భార‌త రాజ్యాంగం న‌డ‌వ‌డం లేద‌న్నారు. కేవ‌లం రాజారెడ్డి రాజ్యాంగం మాత్ర‌మే న‌డుస్తోంద‌న్నారు.
టీడీపీ స‌భ‌పైకి వ‌చ్చి వైకాపా అల్ల‌రి మూక‌లు రాళ్లు రువ్వుతుంటే పోలీసులు అడ్డు కోవాల్సింది పోయి టీడీపీ శ్రేణుల‌పై లాఠీఛార్జి ఎలా చేస్తారంటూ ప్ర‌శ్నించారు నారా లోకేష్. పుంగ‌నూరులో ప్ర‌జాస్వామ్యంపై వైకాపా చేసిన దాడి ఇది. త‌మ కార్య‌క‌ర్త‌లు చిందించిన నెత్తురుపై ఒట్టేసి చెబుతున్నాన‌ని శ‌ప‌థం చేశారు . పెద్దిరెడ్డి పాపాల‌న్నింటికీ కుమిలి కుమిలి ఏడ్చో రోజు ద‌గ్గ‌ర‌లోనే ఉంద‌న్నారు.
Also Read : Jailer Rajinikanth : ర‌జ‌నీకాంత్ జైల‌ర్ పై ఉత్కంఠ