Naveen Reddy Vaishali : హ‌మ్మ‌య్య న‌వీన్ రెడ్డి దొరికిండు
సినీ ఫ‌క్కీలో మ‌నోడు దాదాగిరి
Naveen Reddy Vaishali :ఫ‌క్తు సినీ ఫ‌క్కీలో చోటు చేసుకున్న డాక్ట‌ర్ వైశాలీ రెడ్డి(Vaishali Reddy) కిడ్నాప్ కేసులో కీల‌క సూత్ర‌ధారి మిస్ట‌ర్ టీ ఫౌండ‌ర్ న‌వీన్ రెడ్డి ఎట్ట‌కేల‌కు దొరికాడు. ఆయ‌న కోసం గ‌త కొన్ని రోజులుగా పోలీసులు వెతుకుతున్నారు. చివ‌ర‌కు గోవాలో తేలడంతో ప‌ట్టుకున్నారు. అక్క‌డ కాండోలిమ్ బీచ్ వ‌ద్ద ఎంజాయ్ చేస్తుండ‌గా న‌వీన్ రెడ్డిని గుర్తించి అదుపులోకి తీసుకున్నారు.
ఈ మేర‌కు ఈ మొత్తం వ్య‌వ‌హారం తెలంగాణ రాష్ట్రంలో క‌ల‌క‌లం రేపింది. ఒక‌రు కాదు ఇద్ద‌రు కాదు ఏకంగా 75 మందికి పైగా గ్యాంగ్ తో బాధితురాలి ఇంటిపైకి వెళ్లారు. ఆపై విచ‌క్ష‌ణా రహితంగా దాడికి పాల్ప‌డ్డారు. అడ్డం వ‌చ్చిన వారిని తోసేశారు. ఇంటి ముందు ఉన్న వాహ‌నాల‌ను ధ్వంసం చేశారు.
సీసీ కెమెరాల‌ను తొల‌గించారు. ఆపై న‌వీన్ రెడ్డి త‌న హీరోయిజం, ధ‌న మ‌దంతో ఏకంగా ఇంట్లోకి చొర‌బ‌డి వైశాలీ రెడ్డిని ఎత్తుకు పోయాడు. ఈ ఘ‌ట‌న‌లో వైశాలీ రెడ్డి పేరెంట్స్ కు తీవ్ర గాయాల‌య్యాయి. గ‌త్యంత‌రం లేని ప‌రిస్థితిలో దామోద‌ర్ రెడ్డి ధ‌ర్నాకు దిగ‌డంతో వ్య‌వ‌హారం దేశ‌మంత‌టా హ‌ల్ చ‌ల్ గా మారింది.
న‌వీన్ రెడ్డి(Naveen Reddy) నిర్వాకం బ‌ట్ట‌బ‌య‌లైంది. పోలీసులు రంగంలోకి దిగ‌డంతో బాధితురాలు వైశాలీ రెడ్డి ప్రాణాల‌తో బ‌య‌ట ప‌డింది. ఈ మేర‌కు న‌వీన్ రెడ్డికి సంబంధించిన పూర్తి రిపోర్టును త‌యారు చేసే ప‌నిలో ప‌డ్డారు పోలీసులు. అత‌డి వ‌ద్ద నుంచి ఐదు ఫోన్లు స్వాధీనం చేసుకున్నారు. హైద‌రాబాద్ కు త‌ర‌లించారు.
గ‌త ఏడాది వైశాలీకి ఓ స్పోర్ట్స్ అకాడ‌మీలో ప‌రిచ‌యం అయ్యింది. ఆ త‌ర్వాత పెళ్లి చేసుకోవాలంటూ బ‌లవంతం చేసిన‌ట్లు బాధితురాలు ఆరోపించింది. త‌నకు ఇష్టం లేద‌ని చెప్ప‌డంతో క‌సి పెంచుకున్నాడు. ఆపై కిడ్నాప్ కు పాల్ప‌డ్డాడు న‌వీన్ రెడ్డి.
Also Read : పెళ్లి కోసం కిడ్నాప్ త‌తంగం