Pawan Kalyan CI : ప‌వ‌న్ తిరుప‌తి టూర్ పై ఉత్కంఠ‌

Pawan Kalyan CI : జ‌న‌సేన పార్టీ చీఫ్ ప‌వ‌న్ క‌ళ్యాణ్ సోమ‌వారం తిరుప‌తికి చేరుకుంటారు. శ్రీ‌కాళ‌హ‌స్తిలో త‌మ పార్టీకి చెందిన కార్య‌క‌ర్త‌పై అకార‌ణంగా సీఐ అంజూ యాద‌వ్ దాడి చేయ‌డాన్ని తీవ్రంగా ప‌రిగ‌ణించారు. ఈ ఘ‌ట‌న రాష్ట్ర వ్యాప్తంగా వైర‌ల్ గా మారింది. సీఐపై క‌ఠిన చ‌ర్య‌లు తీసుకోవాల‌ని కోరారు. ఇప్ప‌టి వ‌ర‌కు ఎలాంటి చ‌ర్య‌లు తీసుకోక పోవాడ‌న్ని త‌ప్పుప‌ట్టారు ప‌వ‌న్ క‌ళ్యాణ్.

ప్ర‌స్తుతం ఏపీలో రెండో విడ‌త వారాహి విజ‌య యాత్ర కొన‌సాగుతోంది. తిరుప‌తి ప‌ర్య‌ట‌న‌లో భాగంగా ఆయ‌న మొద‌ట పాత విమానాశ్ర‌యంకు చేరుకుంటారు. అక్క‌డి నుంచి హైవే మీదుగా రేణిగుంట జంక్ష‌న్ , గాజుల మండ్యం మీదుగా తుమ్మ‌లాగుంట స‌ర్కిల్ వ‌ద్ద‌కు వ‌స్తారు. అక్క‌డి నుంచి మ‌హిళా యూనివ‌ర్శిటీ రోడ్డు మీదుగా వెస్ట్ చ‌ర్చి, బాలాజీ కాల‌నీ స‌ర్కిల్ నుంచి టౌన్ క్ల‌బ్ వ‌ద్ద‌కు చేరుకుంటారు.

అక్క‌డి నుంచి నేరుగా ఎస్పీ కార్యాల‌యానికి వెళ‌తారు ప‌వ‌న్ క‌ళ్యాణ్(Pawan Kalyan). ఎస్పీ ప‌ర‌మేశ్వ‌ర్ రెడ్డిని క‌లుసుకుంటారు. సీఐపై చ‌ర్య తీసుకోవాల‌ని విన‌తిప‌త్రం స‌మ‌ర్పిస్తారు. రాష్ట్రంలో శాంతి భ‌ద్ర‌త‌లు క్షీణించాయ‌ని, ప్ర‌త్యేకించి ప్ర‌తిప‌క్షాల‌కు చెందిన కార్య‌క‌ర్త‌ల‌ను వైసీపీ టార్గెట్ చేస్తోందంటూ ఆరోపించారు ప‌వ‌న్ క‌ళ్యాణ్.

Also Read : Revanth Reddy : కేసీఆర్ కు నేనంటే భ‌యం – రేవంత్