Pawan Kalyan : మ‌ట్టి దిబ్బ‌ల‌ను వ‌ద‌ల‌ని జ‌గ‌న్

Pawan Kalyan : జ‌న‌సేన పార్టీ చీఫ్ ప‌వ‌న్ క‌ళ్యాణ్ నిప్పులు చెరిగారు. మూడో విడ‌త వారాహి విజ‌య యాత్ర సంద‌ర్భంగా సంచ‌ల‌న ఆరోప‌ణ‌లు చేశారు. ఈ సంద‌ర్బంగా ఎర్ర‌మ‌ట్టి దిబ్బ‌ల‌ను సంద‌ర్శించారు. కాలి న‌డ‌క‌న ప‌ర్యావ‌ర‌ణ విధ్వంసాన్ని ప‌రిశీలించారు. రాష్ట్రాన్ని నిట్ట నిలువునా మోసం చేసిన ఘ‌న‌త సీఎంకే ద‌క్కుతుంద‌న్నారు. ప్ర‌తి రంగాన్ని నిర్వీర్యం చేయ‌డం ఎంత వ‌ర‌కు స‌బ‌బు అని ప్ర‌శ్నించారు. ఇసుక మాఫియా, ల్యాండ్ మాఫియా రెచ్చి పోతోంద‌ని జ‌గ‌న్ రెడ్డి బ్యాచ్ పై మండిప‌డ్డారు ప‌వ‌న్ క‌ళ్యాణ్.

Pawan Kalyan Slams YS Jagan

ఇదే స‌మ‌యంలో రాష్ట్రంలో సేద్యం జూదంగా మారింద‌న్నారు. అమ్మ మెడ‌లో ఉన్న తాళి బొట్టు ప‌సుపు కొమ్ము అయ్యింద‌ని ఆవేద‌న వ్య‌క్తం చేశారు జ‌న‌సేన పార్టీ(Janasena Party) చీఫ్. చెల్లి చెవుల‌కు ఉండే క‌మ్మ‌లు జొన్న బెండ్లు అయ్యాయంటూ ఫైర్ అయ్యారు. త‌మ్ముడు బ‌డికి వెళ్ల‌డం మాని బ‌ట్టీలో కాలి పోయిన ఇటుక‌గా మారి పోయాడంటూ వాపోయారు ప‌వ‌న్ క‌ళ్యాణ్. దేశానికి ప‌ట్టెడ‌న్నం పెట్టే మీ తాత బ‌స్టాండులో యాచ‌కుడిగా మారి పోయాడ‌ని దీనికి ప్ర‌ధాన కార‌ణం ఏపీ సీఎం జ‌గ‌న్ మోహ‌న్ రెడ్డి అని ఆరోపించారు.

రాబోయే రోజుల్లో ప్ర‌జ‌లు త‌గిన రీతిలో బుద్ది చెప్ప‌డం ఖాయ‌మ‌న్నారు. ఇది మంచి ప‌ద్ద‌తి కాద‌న్నారు. చివ‌ర‌కు జ‌నాన్ని కూడా అమ్మేస్తారంటూ హెచ్చ‌రించారు.

Also Read : YS Sharmila : ల‌క్ష‌న్న‌ర ఎక‌రాలకు ల‌క్షా 25 కోట్లా