PM Modi Road Show : జ‌నం బ్ర‌హ్మ‌ర‌థం మోదీపై పూల‌వ‌ర్షం
మీ ఆద‌ర‌ణ‌ను మ‌రిచి పోలేన‌న్న పీఎం
PM Modi Road Show : ప్ర‌ధాన‌మంత్రి న‌రేంద్ర మోదీకి ఊహించ‌ని రీతిలో ఆద‌ర‌ణ ల‌భించింది. గ‌తంలో ఎన్న‌డూ లేని రీతిలో గుజ‌రాత్ లో శుక్ర‌వారం చేప‌ట్టిన రోడ్ షో చేప‌ట్టారు. ఈ షోకు పెద్ద ఎత్తున జ‌నం బ్ర‌హ్మ‌ర‌థం ప‌ట్టారు. దీంతో త‌న ప‌ట్ల గుజ‌రాతీలు చూపించిన ప్రేమ‌ను మ‌రిచి పోలేన‌ని పేర్కొన్నారు.
ఈ సంద‌ర్బంగా త‌న రోడ్ షో సంద‌ర్బంగా ప్ర‌జ‌లు చూపించిన ఆద‌రాభిమానాలు విస్తు పోయేలా చేశాయ‌న్నారు పీఎం మోదీ.
దారి పొడ‌వునా ఏకంగా పూలు చ‌ల్లారు.
చిన్నారులు, పెద్ద‌లు, యువ‌తీ యువ‌కులు సైతం మోదీ అంటూ పెద్ద ఎత్తున నినాదాలు చేశారు. ఇదిలా ఉండ‌గా ప్ర‌స్తుతం గుజ‌రాత్ రాష్ట్రంలో అసెంబ్లీ ఎన్నిక‌లు జ‌రుగుతున్నాయి. మొద‌టి విడ‌త‌లో డిసెంబ‌ర్ 1న 89 స్థానాల‌కు పోలింగ్ జ‌రిగింది. ఈనెల 5న రెండ‌వ విడ‌త పోలింగ్ కొన‌సాగుతుంది.
రాష్ట్రంలో మొత్తం 182 అసెంబ్లీ నియోజ‌క‌వ‌ర్గాలు ఉన్నాయి. ప్ర‌ధాన‌మంత్రి న‌రేంద్ర మోదీ(PM Modi) పై భార‌తీయ జ‌న‌తా పార్టీ పెద్ద ఎత్తున ఆశ‌లు పెట్టుకుంది. ఇప్ప‌టికే 27 ఏళ్లుగా బీజేపీ గుజ‌రాత్ లో పాల‌న సాగిస్తోంది. ప్ర‌స్తుతం ముచ్చ‌ట‌గా ఏడోసారి ప‌వ‌ర్ లోకి రావాల‌ని ప్ర‌య‌త్నం చేస్తోంది.
ఇప్ప‌టికే పెద్ద ఎత్తున ప్ర‌చారం చేస్తోంది. ఈసారి బీజేపీతో పాటు ఆప్, కాంగ్రెస్ , ఎంఐంఎం బ‌రిలో ఉన్నాయి. మొత్తం రాష్ట్రంలో 36 పార్టీల‌కు చెందిన నేత‌లు బ‌రిలో ఉన్నా ప్ర‌ధానంగా త్రిముఖ పోరు కొన‌సాగుతోంది. ఇందులో ఈసారి కొత్త‌గా ఆప్ , ఎంఐఎం పోటీ చేస్తుండ‌డం గ‌మ‌నార్హం.
ఇదిలా ఉండ‌గా 16 నియోజ‌క‌వ‌ర్గాల‌ను క‌లుపుతూ 50 కిలోమీట‌ర్ల మేర‌కు మెగా రోడ్ షో చేప‌ట్టింది పార్టీ.
Also Read : 11 శాతం పెరిగిన జీఎస్టీ వ‌సూళ్లు