Priyanka Gandhi Dance : ప్రియాంక డ్యాన్స్ వైర‌ల్
ఖ‌మ్మంలో హ‌ల్ చ‌ల్
Priyanka Gandhi : ఖ‌మ్మం జిల్లా – ఏఐసీసీ జాతీయ ప్ర‌ధాన కార్య‌ద‌ర్శి ప్రియాంక గాంధీ సెన్సేష‌న్ గా మారారు. ఆమె విస్తృతంగా తెలంగాణ‌లో ఎన్నిక‌ల ప్ర‌చారంలో పాల్గొన్నారు. ప్ర‌తి చోట ఆమెకు భారీ ఎత్తున సాద‌ర స్వాగ‌తం ల‌భిస్తోంది. అరుదైన స‌న్నివేశం చోటు చేసుకుంది. పాలేరు లో పార్టీ అభ్య‌ర్థి పొంగులేటి శ్రీ‌నివాస్ రెడ్డికి మ‌ద్ద‌తుగా ప్రియాంక ప‌ర్య‌టించారు. ఈ సంద‌ర్బంగా నిర్వ‌హించిన రోడ్ షోకు జ‌నం త‌ర‌లి వ‌చ్చారు. ఇందులో తెలుగుదేశం పార్టీకి చెందిన నేత‌లు, కార్య‌క‌ర్త‌లు గ్రాండ్ వెల్ క‌మ్ చెప్ప‌డం విశేషం.
Priyanka Gandhi Dance Viral
ఇదిలా ఉండ‌గా ఉన్న‌ట్టుండి కాంగ్రెస్ పాట‌కు ప్రియాంక గాంధీ చప్పట్లు చ‌రుస్తూ డ్యాన్స్ చేయ‌డం ఆస‌క్తిని రేపింది. ఇందుకు సంబంధించిన ఫోటోలు, వీడియోలు నెట్టింట్లో వైర‌ల్ గా మారాయి. లంబాడా మ‌హిళ‌ల‌తో క‌లిసి ప్రియాంక గాంధీ(Priyanka Gandhi) నృత్యం చేయ‌డం ఆస‌క్తిని క‌లిగించేలా చేసింది.
పెద్ద ఎత్తున రోడ్డు మార్గం గుండా రోడ్ షో సాగింది. అడుగ‌డుగునా ప్రియాంక గాంధీకి చప్పట్లు చ‌రుస్తూ , నినాదాలు చేస్తూ వెల్ క‌మ్ చెప్పారు. సామాజిక మాధ్య‌మాల‌లో ప్ర‌స్తుతం కాంగ్రెస్ పార్టీ జాతీయ ప్ర‌ధాన కార్య‌ద‌ర్శి చేసిన డ్యాన్స్ ఫుల్ ఖుష్ తో డ్యాన్స్ చేయ‌డంతో కాంగ్రెస్ పార్టీ శ్రేణులు సంతోషం వ్య‌క్తం చేశాయి.
Also Read : Revanth Reddy : రేవంత్ రెడ్డి బ‌హిరంగ లేఖ