Priyanka Gandhi : తెలంగాణ‌పై ప్రియాంక ఫోక‌స్
నెలాఖ‌రులో ప్ర‌చారం చేసే ఛాన్స్
Priyanka Gandhi : కాంగ్రెస్ పార్టీ జాతీయ ప్ర‌ధాన కార్య‌ద‌ర్శి ప్రియాంక గాంధీ తెలంగాణ‌పై ఫోక‌స్ పెట్ట‌నున్నారు. ఇప్ప‌టికే ప‌ర్య‌టించిన ఆమె త్వ‌ర‌లో రాష్ట్రంలో జ‌రగ‌బోయే శాస‌న సభ ఎన్నిక‌ల్లో ఎలాగైనా స‌రే పార్టీని ప‌వ‌ర్ లోకి తీసుకు రావాల‌ని కంక‌ణం క‌ట్టుకున్నారు.
Priyanka Gandhi May be Visit Telangana
ఇప్ప‌టికే ప‌లు క‌మిటీల‌ను కూడా హైక‌మాండ్ నియ‌మించింది. ఈనెల 9న పార్టీ అభ్య‌ర్థులు ఎవ‌ర‌నే దానిపై నిర్ణ‌యం తీసుకోనున్న‌ట్లు టాక్. ఎన్నిక‌ల సంఘం నోటిఫికేష‌న్ విడుద‌ల చేసిన త‌ర్వాత మొత్తం రాష్ట్రంలోని 119 సీట్ల‌కు అభ్య‌ర్థుల‌ను ఖ‌రారు చేయాల‌ని నిర్ణ‌యించింది.
దీంతో అప్ప‌టి దాకా వేచి చూడ‌డం త‌ప్ప చేసేది ఏమీ లేదు. ఈసారి గ‌తంలో కంటే ఎక్కువ పార్టీ ప‌రంగా అభ్య‌ర్థుల మ‌ధ్య పోటీ నెల‌కొంది. ఈసారి కొన్ని స‌ర్వేలు కాంగ్రెస్ పార్టీ అధికారంలోకి వ‌చ్చే అవ‌కాశాలు ఎక్కువ‌గా ఉన్నాయ‌ని చెబుతున్నాయి.
పార్టీ ప‌రంగా ఎవ‌రెవ‌రు ప్ర‌చారం చేయాల‌నే దానిపై కూడా ఇప్ప‌టికే హై క‌మాండ్ నిర్ణ‌యించింది. స్టార్ క్యాంపెయిన‌ర్ల జాబితాలో ప్రియాంక గాంధీ(Priyanka Gandhi) కూడా ఉన్నారు. మొత్తంగా అక్టోబ‌ర్ నెలాఖ‌రులో ప్రియాంక గాంధీ ప‌ర్య‌టించే ఛాన్స్ ఉంద‌ని స‌మాచారం.
Also Read : Rahul Gandhi Tour : 16న రాహుల్ బ‌స్సు ప్ర‌చార యాత్ర