Rahul Priyanka Snow Ball : రాహుల్ ప్రియాంక స్నో బాల్ ఫైట్
సోష‌ల్ మీడియాలో ఫోటోలు వైర‌ల్
Rahul Priyanka Snow Ball : శ్రీ‌న‌గ‌ర్ లో సోమ‌వారం అరుదైన స‌న్నివేశం చోటు చేసుకుంది. భార‌త్ జోడో యాత్ర‌లో భాగంగా శ్రీ‌న‌గ‌ర్ లో భారీ హిమ‌పాతం చోటు చేసుకుంది. గ‌డ్డ క‌ట్టే చలిలో సైతం రాహుల్ గాంధీ లెక్క చేయ‌కుండా ముందుకు సాగుతున్నారు. జ‌న‌వ‌రి 30తో ముగుస్తుంది. ఈనెల 31న ముగింపు స‌భ జ‌ర‌గ‌నుంది. ఇందుకు సంబంధించి భారీ ఎత్తున కాంగ్రెస్ పార్టీ ఏర్పాట్లు చేస్తోంది.
ఇదిలా ఉండ‌గా తాజాగా రాహుల్ గాంధీ యాత్ర‌లో ఇప్ప‌టికే వివిధ పార్టీల‌కు చెందిన నాయ‌కులు పాల్గొన్నారు. ఫ‌రూక్ అబ్దుల్లా, ఒమ‌ర్ అబ్దుల్లా, మెహ‌బూబా ముఫ్తీ, ఆమె కూత‌రుతో పాటు ప్రియాంక గాంధీ కూడా సెంట‌ర్ ఆఫ్ అట్రాక్ష‌న్ గా మారారు. ఇటీవ‌ల రాహుల్ గాంధీ త‌న సోద‌రికి ఇచ్చిన ముద్దు నెట్టింట్లో వైర‌ల్ గా మారింది.
దీనిని బీజేపీ త‌ప్పు ప‌ట్టింది. బ‌హిరంగంగా సోద‌రికి ఇలాగేనా కిస్ ఇచ్చేది అంటూ వివాదాస్ప‌ద వ్యాఖ్య‌లు చేసింది. అయితే ఇవాళ ప్రియాంక గాంధీ, రాహుల్ గాంధీ ఇద్ద‌రూ స్నో బాల్ ఆట‌ను(Rahul Priyanka Snow Ball) ఆడారు. ఇద్ద‌రూ ఒక‌రిపై మ‌రొక‌రు స్నో (మంచు)ను చ‌ల్లుకున్నారు. ఇందుకు సంబంధించిన ఫోటోలు సామాజిక మాధ్య‌మాల‌ను షేక్ చేస్తున్నాయి.
అయితే విచిత్రం ఏమిటంటే గ‌డ్డ క‌ట్టే చలిలో న‌డిచేందుకు, పాద‌యాత్ర చేప‌ట్టేందుకు ప‌లువురు నాయ‌కులు నానా తంటాలు ప‌డ్డారు. కానీ రాహుల్ గాంధీ మాత్రం ఎలాంటి జాకెట్ (ర‌క్ష‌ణ) వేసుకోకుండానే యాత్ర‌లో పాల్గొంటున్నారు. మ‌రో వైపు మంచు గ‌డ్డ‌ల‌తో స్నో బాల్ ఆట‌ను ఆడ‌డం మ‌రింత విస్తు పోయేలా చేసింది. ఏది ఏమైనా తాను దేశాన్ని ఏలేందుకు కావాల్సిన నాయ‌క‌త్వ ల‌క్ష‌ణాలు త‌న‌లో ఉన్నాయ‌ని నిరూపించారు రాహుల్ గాంధీ.
Also Read : ఇలా ఎంత కాలం మ‌భ్య పెడ‌తారు