Rahul Priyanka Rally : రాహుల్..ప్రియాంక హ‌ల్ చ‌ల్

Rahul Priyanka Rally : తెలంగాణ రాష్ట్రంలో ఎన్నిక‌ల ప్ర‌చారం మొద‌లైంది. ప్ర‌ధాన పార్టీల‌న్నీ స‌భ‌లు పోటా పోటీగా నిర్వ‌హిస్తున్నాయి. ఇందులో భాగంగా అధికారంలో ఉన్న బీఆర్ఎస్ పార్టీ ఆధ్వ‌ర్యంలో ప్ర‌జా ఆశీర్వ యాత్ర చేప‌ట్టారు. సీఎం కేసీఆర్, మంత్రులు కేటీఆర్, హ‌రీశ్ రావు పాల్గొంటున్నారు. ప్ర‌జ‌ల‌ను ఉద్దేశించి ప్ర‌సంగిస్తున్నారు.

Rahul Priyanka Rally Viral

తాజాగా ములుగు జిల్లాలో కాంగ్రెస్ పార్టీ ఆధ్వ‌ర్యంలో విజ‌య భేరి యాత్ర చేప‌ట్టారు. ఇందులో భాగంగా ల‌క్ష‌లాది మందితో భారీ బ‌హిరంగ స‌భ‌ను చేప‌ట్టారు. ఈ కార్య‌క్ర‌మానికి ముఖ్య అతిథులుగా ఏఐసీసీ మాజీ చీఫ్ రాహుల్ గాంధీ(Rahul Gandhi), పార్టీ జాతీయ ప్ర‌ధాన కార్య‌ద‌ర్శి ప్రియాంక గాంధీ హాజ‌ర‌య్యారు.

అంత‌కు ముందు న‌గ‌రంలో వేలాది మంది త‌ర‌లి రాగా పాద‌యాత్ర నిర్వ‌హించారు. ఇందుకు సంబంధించిన ఫోటోలు, వీడియోలు సోష‌ల్ మీడియాను షేక్ చేస్తున్నాయి. ఈ కార్య‌క్ర‌మంలో రాహుల్ గాంధీ, ప్రియాంక గాంధీ, టీపీసీసీ చీఫ్ రేవంత్ రెడ్డి, భార‌త క్రికెట్ జ‌ట్టు మాజీ స్కిప్ప‌ర్, టీపీసీసీ వ‌ర్కింగ్ ప్రెసిడెంట్ మ‌హ‌మ్మ‌ద్ అజ‌హ‌రుద్దీన్, మాజీ మంత్రి దుద్దిళ్ల శ్రీ‌ధ‌ర్ బాబు , తెలంగాణ రాష్ట్ర వ్య‌వ‌హారాల ఇంఛార్జ్ మాణిక్ రావు ఠాక్రే పాల్గొన్నారు.

Also Read : Priyanka Gandhi : అమ‌రుల కుటుంబాలను ఆదుకుంటాం