Renuka Chowdhury : ప‌క్క చూపులు చూస్తే జాగ్ర‌త్త
కాంగ్రెస్ సీనియ‌ర్ నేత రేణుకా చౌద‌రి
Renuka Chowdhury : ఖ‌మ్మం జిల్లా – తెలంగాణ రాష్ట్రంలో కాంగ్రెస్ పార్టీ హ‌వా కొన‌సాగుతోంద‌ని, ఇదే జోష్ కంటిన్యూ అవుతుంద‌ని కీల‌క వ్యాఖ్య‌లు చేశారు ఆ పార్టీ సీనియ‌ర్ నాయ‌కురాలు రేణుకా చౌద‌రి. శ‌నివారం ఆమె మీడియాతో మాట్లాడారు. 119 సీట్ల‌కు గాను క‌నీసం 70కి పైగానే వ‌స్తాయ‌ని స్ప‌ష్టం చేశారు.
Renuka Chowdhury Comment
ఎవ‌రైనా త‌మ పార్టీకి చెందిన ఎమ్మెల్యేలు ఎవ‌రైనా ప‌క్క చూపులు చూస్తే తీవ్ర‌మైన ప‌రిణామాలు ఎదుర్కోవాల్సి వ‌స్తుంద‌ని హెచ్చ‌రించారు. ఒక వేళ గీత దాటితే జేసీబీలు వారి ఇంటికి బ‌య‌లు దేరి వెళ‌తామ‌ని స్ప‌ష్టం చేశారు.
ఎవ‌రు సీఎం అవుతారానే దానిపై ఆస‌క్తిక‌ర వ్యాఖ్య‌లు చేశారు. త‌మ పార్టీ త‌ర‌పున ఏఐసీసీ సీఎం క్యాండిడేట్ ను నిర్ణ‌యిస్తుంద‌న్నారు రేణుకా చౌద‌రి(Renuka Chowdhury). ఇవాళ తెలంగాణ రాష్ట్రాన్ని స‌ర్వ నాశ‌నం చేశాడ‌ని కేసీఆర్ పై మండిప‌డ్డారు. ప్ర‌భుత్వ ఖ‌జానాను లూటీ చేశార‌ని, త‌మ‌పై పెద్ద బాధ్య‌త ఉంటుంద‌న్నారు.
హంగ్ అన్న‌ది రాష్ట్రంలో రాద‌ని, తెలంగాణ ప్ర‌జ‌లు అత్యంత తెలివైన వార‌ని స్ప‌ష్టం చేశారు. త‌మ పార్టీకి మెజారిటీ త‌ప్ప‌కుండా వ‌స్తుంద‌ని సీనియ‌ర్ నాయ‌కురాలు చెప్పారు. ఏది ఏమైనా త‌మ కొత్త అధినాయ‌కుడిపై ఎన్నో ఆశ‌లు ఉన్నాయ‌ని వాటిని నెర‌వేర్చాలంటే చాలా క‌ష్టాలు ప‌డాల్సి ఉంటుంద‌న్నారు.
Also Read : DK Shiva Kumar : తెలంగాణపై ట్ర‌బుల్ షూట‌ర్ ఫోక‌స్