RSS Tribute : ములాయం..శ‌ర‌ద్ కు ఆర్ఎస్ఎస్ నివాళి
ప్ర‌ధాని మోదీ త‌ల్లి కోకిలా బెన్ కు కూడా
RSS Tribute : భార‌తీయ జ‌న‌తా పార్టీ అనుబంధ సంస్థ రాష్ట్రీయ స్వ‌యం సేవ‌క్ సంఘ్ వార్షిక స‌మావేశం నిర్వ‌హించింది. ఈ సంద‌ర్భంగా కీల‌క అంశాల‌పై చ‌ర్చించింది. ఇదే సమయంలో ఇటీవ‌లే లోకాన్ని వీడిన వారికి ఘ‌నంగా నివాళులు అర్పించింది.
భార‌త దేశ రాజ‌కీయాల‌లో అజాత శ‌త్రువులుగా పేరు పొందారు స‌మాజ్ వాది పార్టీ వ్య‌వ‌స్థాప‌కుడు, యూపీ మాజీ సీఎం దివంగ‌త ములాయం సింగ్ యాద‌వ్ , బీహార్ కు చెందిన మాజీ కేంద్ర మంత్రి , అరుదైన నాయ‌కుడిగా గుర్తింపు పొందిన శ‌ర‌ద్ యాద‌వ్ కు నివాళులు అర్పించింది రాష్ట్రీయ స్వ‌యం సేవ‌క్ సంఘ్(RSS Tribute).
వారు భార‌త దేశానికి చేసిన సేవ‌లు ప్ర‌శంస‌నీయ‌మ‌ని, ఆద‌ర్శ ప్రాయ‌మ‌ని వారు లేక పోవ‌డం దేశానికి తీర‌ని న‌ష్ట‌మ‌ని పేర్కొంది ఆర్ఎస్ఎస్. ఇదే సమయంలో భార‌త దేశ ప్ర‌ధాన‌మంత్రి న‌రేంద్ర దామోద‌ర దాస్ మోదీ త‌ల్లి కోకిలా బెన్ కూడా తీవ్ర అనారోగ్యంతో మ‌ర‌ణించారు. ఆమెతో పాటు ప్ర‌ముఖ న‌టుడు , చిత్ర నిర్మాత స‌తీష్ కౌశిక్ ల‌కు కూడా రాష్ట్రీయ స్వ‌యం సేవ‌క్ సంఘ్ నివాళులు అర్పించింది. కోకిలా బెన్ త‌న పిల్ల‌ల భ‌విష్య‌త్తు కోసం ఎంతో క‌ష్ట ప‌డింద‌ని పేర్కొంది.
చిన్న త‌నంలో భ‌ర్త చ‌ని పోయినా ఇల్లిల్లు తిరిగి అంట్లు తోమి పిల్ల‌ల‌ను ప్ర‌యోజ‌కుల‌ను చేసింది. ఆమె పిల్ల‌ల‌కు క్ర‌మ‌శిక్ష‌ణ నేర్పిందని పేర్కొంది. ఇదిలా ఉండ‌గా ఆర్ఎస్ఎస్(RSS Tribute) హ‌ర్యానాలో మూడు రోజుల పాటు వార్షిక స‌ర్వ స‌భ్య స‌మావేశాన్ని నిర్వ‌హిస్తోంది.
వీరితో పాటు ఆనాడు దివంగ‌త ప్ర‌ధాన మంత్రి ఇందిరా గాంధీ జైలుకు వెళ్లేలా చేసిన ప్ర‌ముఖ న్యాయ‌వాది శాంతి భూష‌ణ్ కూడా ఇటీవ‌లే మ‌ర‌ణించారు. ఆయ‌న‌కు కూడా ఆర్ఎస్ఎస్ నివాళి అర్పించింది.
Also Read : వెంకయ్య‌పై త‌లైవా షాకింగ్ కామెంట్స్