Sachin Pilot Ashok Gehlot : గెహ్లాట్ కామెంట్స్ పైల‌ట్ సీరియ‌స్
పార్టీ ద్రోహానికి పాల్ప‌డ‌లేద‌న్న యువ నేత
Sachin Pilot Ashok Gehlot : రాజ‌స్థాన్ లో రాజ‌కీయం మ‌రింత వేడెక్కింది. ఓ వైపు యువ నాయ‌కుడు రాహుల్ గాంధీ ఆధ్వ‌ర్యంలో భార‌త్ జోడో యాత్ర కొన‌సాగుతున్న త‌రుణంలో సీఎం అశోక్ గెహ్లాట్ సంచ‌ల‌న ఆరోప‌ణ‌లు చేశారు స‌చిన్ పైల‌ట్ పై.
రాజ‌కీయంగా ఎదిగేందుకు దోహద ప‌డిన పార్టీకి తీర‌ని ద్రోహం త‌ల‌పెట్టారంటూ సీఎం ఆరోపించారు. దీనిపై తీవ్రంగా స్పందించారు స‌చిన్ పైల‌ట్. అశోక్ గెహ్లాట్ చేసిన ఆరోప‌ణ‌ల‌న్నీ అవాస్త‌వాలేన‌ని మండిప‌డ్డారు.
శుక్ర‌వారం ఆయ‌న మీడియాతో మాట్లాడారు. ఆయ‌న స్థాయికి త‌గిన‌ట్లుగా వ్య‌వ‌హ‌రించ‌డం లేద‌ని త‌న‌ను అస‌మ‌ర్థుడు, ద్రోహి అని పేర్కొన‌డం దారుణ‌మ‌న్నారు స‌చిన్ పైల‌ట్(Sachin Pilot). ఈ విమ‌ర్శ‌లు పూర్తిగా అబ‌ద్దం, నిరాధార‌మైన‌వి, అన‌వ‌స‌ర‌మైన‌వ‌ని ఆగ్ర‌హం వ్య‌క్తం చేశారు. ఇదిలా ఉండ‌గా మ‌రో కీల‌క వ్యాఖ్య‌లు చేయ‌డం క‌ల‌క‌లం రేపింది.
రాహుల్ గాంధీ చేప‌డుతున్న భార‌త్ జోడో యాత్ర‌ను ఎలా స‌క్సెస్ చేస్తారో చూడాల‌న్నారు. రాష్ట్ర ఎన్నిక‌ల‌కు ఆచ‌రణాత్మ‌కంగా రోజుల దూరంలో ఉన్న గుజ‌రాత్ పై ఫోక‌స్ సారించ‌డం మంచిద‌ని సూచించారు స‌చిన్ పైల‌ట్.
ప్ర‌స్తుతం రాజ‌స్తాన్ పార్టీ ఇన్ చార్జ్ గా ఉన్నార‌ని ఇక‌నైనా నిరాధార‌మైన ఆరోప‌ణ‌లు చేయ‌డం మానుకోవాల‌న్నారు యువ నేత. దేశంలో కాంగ్రెస్ పార్టీ మాత్ర‌మే బీజేపీని ఎదుర్కొనే స‌త్తా క‌లిగి ఉన్న పార్టీ అన్నారు.
ఈ స‌మ‌యంలో అశోక్ గెహ్లాట్ ఇక నుంచైనా బాధ్య‌త క‌లిగిన ప‌ద‌విలో ఉన్న సీఎం గుజ‌రాత్ లో కాంగ్రెస్ ప‌వ‌ర్ లోకి వ‌చ్చేలా చూడాల‌ని హిత‌వు ప‌లికారు.
Also Read : భ‌గ‌త్ సింగ్ కోష్యారీ గ‌వ‌ర్న‌ర్ కు త‌గ‌డు – ప‌వార్