Salaar Teaser Record : ప్ర‌భాస్ స‌లార్ టీజ‌ర్ రికార్డ్

Salaar Teaser Record : డైన‌మిక్ డైరెక్ట‌ర్ ప్ర‌శాంత్ నీల్ ద‌ర్శ‌క‌త్వంలో డార్లింగ్ ప్ర‌భాస్ , శృతి హాస‌న్ క‌లిసి న‌టించిన స‌లార్ చిత్రానికి సంబంధించి విడుద‌ల చేసిన టీజ‌ర్ దుమ్ము రేపుతోంది. రిలీజైన 24 గంట‌ల్లో అత్యధికంగా స‌లార్ టీజ‌ర్ ను వీక్షించిన సినిమాగా రికార్డ్ బ్రేక్ చేసింది.

అంతే కాకుండా అత్య‌ధికంగా వీక్షించ‌బ‌డిన భార‌తీయ టీజ‌ర్ గా నిలిచింది. పాన్ ఇండియా హీరోగా ఇప్ప‌టికే గుర్తింపు పొందిన ప్ర‌భాస్ కెరీర్ లో ఇది ఓ మైలు రాయిగా చెప్ప‌క త‌ప్ప‌దు. ఇప్ప‌టి వ‌ర‌కు విడుద‌లై సినిమాల‌లో టాప్ త్రీలో స‌లార్(Salaar) , ఆది పురుష్ , కేజీఎఫ్ చాప్ట‌ర్ 2 చిత్రాలు నిలిచాయి.

విడుద‌లైన స‌లార్ చిత్రాన్ని ఒకే ఒక్క రోజులో 83 మిలియ‌న్ల మంది వీక్షించారు. ఇక రెండో స్థానంలో డార్లింగ్ ప్ర‌భాస్ , అందాల ముద్దుగుమ్మ కృతీ స‌న‌న్ క‌లిసి న‌టించిన ఓం రౌత్ ద‌ర్శ‌క‌త్వం వ‌హించిన ఆది పురుష్ సినిమా నిలిచింది. ఇక ప్ర‌శాంత్ నీల్ ద‌ర్శ‌త్వం వ‌హించిన య‌ష్ న‌టించిన కేజీఎఫ్ చాప్ట‌ర్ మూవీని 24 గంట‌ల్లో 68.83 మిలియ‌న్ల మంది చూశారు.

భారీ బ‌డ్జెట్ తో స‌లార్ ను తెర‌కెక్కిస్తున్నాడు ద‌ర్శ‌కుడు ప్ర‌శాంత్ నీల్. ఈ చిత్రంపై భారీ అంచ‌నాలు ఉన్నాయి. దీనిని వ‌చ్చే సెప్టెంబ‌ర్ 28న విడుద‌ల చేసేందుకు మూవీ మేక‌ర్స్ స‌న్నాహాలు చేస్తున్నారు.

Also Read : KTR Drivers : నిన్న డ్రైవ‌ర్లు నేడు ఓన‌ర్లు – కేటీఆర్