Samantha Liger : స్పెష‌ల్ సాంగ్ కు ఓకే చెప్పిందా
లైగ‌ర్ లో న‌టించ‌నున్న స‌మంతా
Samantha Liger : న‌టి స‌మంత ఇప్పుడు దేశ వ్యాప్తంగా హాట్ టాపిక్ గా మారారు. చైతూతో విడి పోయాక ఆమె ఫుల్ బిజీ అయ్యారు. ఓ వైపు సినిమాలు ఇంకో వైపు వెబ్ సీరీస్ ల‌తో తీరిక లేకుండా గ‌డుపుతున్నారు.
అంతే కాదు ఏ మాత్రం వీలు చిక్కినా సోష‌ల్ మీడియాలో యాక్టివ్ గా ఉంటున్నారు. కొంచెంత విశ్రాంతి దొరికితే చాలు వెకేష‌న్స్ కు వెళుతున్నారు.
ఇదిలా ఉండ‌గా క్రియేటివ్ డైరెక్ట‌ర్ సుకుమార్ ద‌ర్శ‌క‌త్వంలో ఐకాన్ స్టార్ అల్లు అర్జున్, ల‌వ్లీ గ‌ర్ల్ ర‌ష్మిక మంద‌న్నా క‌లిసి న‌టించిన పుష్ప రాజ్ పాన్ ఇండియా మూవీలో స్పెష‌ల్ సాంగ్ లో నటించింది స‌మంతా(Samantha).
అన్ని పాట‌లు బిగ్గెస్ట్ హిట్ గా నిలిచిన‌ప్ప‌టికీ సామ్ న‌టించిన ఆ ఒక్క పాట ఊ అంటావా మామ అన్న సాంగ్ దేశ వ్యాప్తంగా ఒక ఊపు ఊపింది. ఇంకా యూట్యూబ్ ను షేక్ చేస్తూనే ఉంది.
దీంతో స‌మంత ఆట, పాట‌కు జ‌నం ఫిదా అవుతున్నారు. సామ్ లో ఇంత టాలెంట్ ఉందా అంటూ చ‌ర్చించుకుంటున్నారు. ఆమెకు 100 శాతం మార్కులు ప‌డ్డాయి.
దీంతో ఇంకో స్పెష‌ల్ సాంగ్ కు కూడా స‌మంత (Samantha)ఓకే చెప్పిన‌ట్లు టాలీవుడ్ లో చ‌ర్చ జ‌రుగుతోంది. అదేమిటంటే డైన‌మిక్ డైరెక్ట‌ర్ పూరీ జ‌గ‌న్నాథ్ ద‌ర్శ‌క‌త్వంలో రౌడీ బాయి విజ‌య్ దేవ‌ర‌కొండ , అన‌న్య పాండేతో క‌లిసి తీస్తున్న లైగ‌ర్ మూవీలో ఓ సాంగ్ సామ్ తో చేయించాల‌ని ప్లాన్ చేశార‌ని టాక్.
ఇందు కోసం ఇప్ప‌టికే విజ‌య్ దేవ‌ర‌కొండ సామ్ అయితే బెట‌ర్ అని, త‌న‌తో ఉన్న చ‌నువుతో సాంగ్ చేయిస్తే బాగుంటుంద‌ని డైరెక్ట‌ర్ కు సూచించిన‌ట్లు స‌మాచారం.
సో మ‌రి ఎంత హాట్ గా ఉంటుందోన‌ని సామ్ , రౌడీ అభిమానులు వేచి చూస్తున్నారు.
Also Read : త‌గ్గేదే లేదంటున్న ‘లాల్ సింగ్ చ‌ద్దా’