Satya Pal Malik Modi : ప‌వ‌ర్ కోసం మోదీ ఏమైనా చేస్తాడు
మాజీ గ‌వ‌ర్న‌ర్ స‌త్య పాల్ మాలిక్
Satya Pal Malik Modi : రాబోయే ఎన్నిక‌ల్లో బీజేపీకి ప‌రాభ‌వం త‌ప్ప‌ద‌ని జోష్యం చెప్పారు జ‌మ్మూ, కాశ్మీర్ మాజీ గ‌వ‌ర్న‌ర్ స‌త్య పాల్ మాలిక్(Satya Pal Malik). ఇదే స‌మ‌యంలో ఈసారి ఆశించినంత మేర‌కు బీజేపీ, దాని అనుబంధ పార్టీలకు వేవ్ లేద‌న్నారు. అయితే అధికారం లేకుండా మోదీ ఒంట‌రిగా ఉండ‌లేడ‌ని పేర్కొన్నారు. కీల‌క‌మైన బీజేపీ నేత హ‌త్య జ‌రిగే ఛాన్స్ లేక పోలేద‌ని, బాంబులు పేలొచ్చంటూ సంచ‌ల‌న వ్యాఖ్య‌లు చేశారు. ఆ సానుభూతిని అడ్డం పెట్టుకుని బీజేపీ మ‌రోసారి అధికారంలోకి రావాల‌ని కుట్ర‌లు ప‌న్నుతోందంటూ ఆరోపించారు స‌త్య పాల్ మాలిక్.
Satya Pal Malik Modi Discussion
అధికారం కోసం మోదీ ఏమైనా చేస్తాడంటూ నిప్పులు చెరిగారు. వ‌చ్చే ఎన్నిక‌ల్లో మోదీ అడ్ర‌స్ గ‌ల్లంతు కావ‌డం ఖాయ‌మ‌న్నారు. ప్ర‌ధాని పాల‌న‌పై ప్ర‌జ‌లు సంతోషంగా ఏ మాత్రం లేర‌న్నారు. వారంతా ఎప్పుడు ఎన్నిక‌లు వ‌స్తాయోన‌ని ఎదురు చూస్తున్నార‌ని చెప్పారు. ఆయ‌న ఓ హిందీ వెబ్ సైట్ కోసం ఇచ్చిన ప్ర‌త్యేక ఇంట‌ర్వ్యూలో ఈ కీల‌క వ్యాఖ్య‌లు చేశారు.
ఇదే స‌మ‌యంలో యూపీ సీఎం యోగి ఆదిత్యానాథ్ పై కూడా కామెంట్స్ చేశారు. ఆయ‌న అనుకూల వ్య‌క్తుల‌కు మోదీ అంటే ప‌డ‌ద‌న్నారు. వ‌చ్చే లోక్ స‌భ ఎన్నిక‌ల్లో మేఘాల‌య, పంజాబ్ , హ‌ర్యానా, ఛ‌త్తీస్ గ‌ఢ్ , మ‌ధ్య ప్ర‌దేశ్ , బెంగాల్ , మ‌రాఠాల‌లో ఆశించిన మేర సీట్లు బీజేపీ, దాని అనుబంధ పార్టీలకు రావ‌న్నారు స‌త్య పాల్ మాలిక్.
Also Read : Satya Pal Malik Modi : ప‌వ‌ర్ కోసం మోదీ ఏమైనా చేస్తాడు