Sekhar Master : ‘ప్రిన్స్’ కు సాంగ్ చేయ‌డం అదృష్టం

Sekhar Master : టాలీవుడ్ లో ఇప్పుడు వినిపిస్తున్న ఏకైక పేరు కొరియోగ్రాఫ‌ర్ల‌లో శేఖ‌ర్ మాస్ట‌ర్(Sekhar Master ). రాములో రాములా నుంచి ప‌లు హిట్ సాంగ్స్ కు అత‌డే నృత్య ద‌ర్శ‌కుడు.

ప్రేక్ష‌కుల నాడిని ప‌సిగ‌ట్టి, వారిని ఆనందంలో ముంచెత్తేలా ఎక్క‌డా హీరో హీరోయిన్ల ఇమేజ్ అన్న‌ది దెబ్బ తిన‌కుండా కూల్ గా ప‌ని చేసుకుంటూ పోతున్నా ఈ కొరియోగ్రాఫ‌ర్.

ఇక తాజాగా ప‌రుశురామ్ ద‌ర్శ‌క‌త్వంలో ప్రిన్స్ మ‌హేష్ బాబు, కీర్తి సురేష్ జంట‌గా స‌ర్కార్ వారి పాట మూవీ ట్రైల‌ర్ రిలీజ్ అయ్యింది. సోష‌ల్ మీడియాను షేక్ చేస్తోంది. ప్ర‌ధానంగా ఈ సినిమాకు బిగ్ అస్సెట్ ఎస్. ఎస్. థ‌మ‌న్ మ్యూజిక్ అందించ‌డం.

గేయ ర‌చ‌యిత అనంత శ్రీ‌రామ్ ఇందులో 5 పాట‌లు ఉంటే నాలుగు త‌నే రాశాడు. ఇందులో క‌ళావ‌తి సాంగ్ బ్లాక్ బ‌స్ట‌ర్ గా నిలిచింది. ఇప్ప‌టికీ వ్యూస్ లో దూసుకు పోతోంది. ఇక విడుద‌లైన ట్రైల‌ర్ ఈపాటికే రికార్డుల‌ను తిర‌గ రాస్తోంది.

మ‌హేష్ బాబు కెరీర్ లోనే బిగ్గెస్ట్ చిత్రంగా నిలిచి పోవ‌డం ఖాయ‌మ‌ని అంటున్నారు సినీ విశ్లేష‌కులు. కాగా క‌ళావ‌తి, పెన్నీ సాంగ్స్ కు శేఖ‌ర్ మాస్ట‌ర్ కొరియోగ్ర‌ఫీ అందించారు. చాలా కూల్ గా స్టెప్పులు వేస్తూ ఆక‌ట్టుకుంటున్నాడు మహేష్ బాబు.

ఈ సంద‌ర్భంగా త‌న ఆనందాన్ని పంచుకున్నాడు శేఖ‌ర్ మాస్ట‌ర్(Sekhar Master ). పాట బాగా వ‌చ్చేంత వ‌ర‌కు చేస్తూనే ఉంటార‌ని, స్టార్ కు నిజ‌మైన ప‌దం మ‌హేష్ బాబు అని కితాబు ఇచ్చారు. ఆయ‌న‌కు పాట చేయ‌డం తాను అదృష్టంగా భావిస్తాన‌ని చెప్పారు.

Also Read : ఆసుప్ర‌తినుంచి మిథున్ చక్రవర్తి డిశ్చార్జి