Sharad Pawar KCR : బీఆర్ఎస్ బీజేపీకి ‘బి’ టీమ్ – ప‌వార్

Sharad Pawar KCR : ఎన్సీపీ చీఫ్ శ‌ర‌ద్ ప‌వార్ నిప్పులు చెరిగారు. భార‌త రాష్ట్ర స‌మితి చీఫ్ , తెలంగాణ సీఎం కేసీఆర్ ను ఏకి పారేశారు. ఆయ‌నకు స్ప‌ష్ట‌మైన ఎజెండా లేద‌న్నారు. కేవ‌లం భార‌తీయ జ‌న‌తా పార్టీకి మేలు చేకూర్చేందుకు స‌భ‌లు, స‌మావేశాలు పెడుతున్నార‌ని ఆరోపించారు. ఒక ర‌కంగా బీఆర్ఎస్ బీజేపీకి బీ టీమ్ అని ఎద్దేవా చేశారు. ఇందులో ఎలాంటి అనుమానం లేద‌న్నారు.

కేసీఆర్ ప‌దే ప‌దే తెలంగాణ మోడ‌ల్ అని ప్ర‌చారం చేస్తున్నారు. అందులో ఏముంది. బీజేపీకి మేలు చేకూర్చ‌డం త‌ప్ప ఇంకొకటి ఏమీ లేద‌ని మండిప‌డ్డారు ప‌వార్. గ‌తంలో ప‌వ‌ర్ ను, ఉద్ద‌వ్ ఠాక్రేను క‌లిశారు. మొద‌టి నుంచీ కేసీఆర్ ప్ర‌వ‌ర్త‌న అనుమానాస్ప‌దంగా ఉంద‌న్నారు శ‌ర‌ద్ ప‌వార్(Sharad Pawar).

బీఆర్ఎస్ వ‌ల్ల బీజేపీ, తిరుగుబాటు శివ‌సేన కు మేలు చేకూరుస్తుంద‌ని కానీ త‌మ‌పై ఎలాంటి ఎఫెక్టు ఉండ‌ద‌న్నారు. జ‌నం కేసీఆర్ ను న‌మ్మే స్థితిలో లేర‌న్నారు శ‌ర‌ద్ ప‌వార్. కేసీఆర్ ఫోక‌స్ అంతా కాంగ్రెస్ ను, ఎన్సీపీని నిర్వీర్యం చేయాల‌ని క‌నిపిస్తోంద‌న్నారు. ఇక నుంచి ఎవ‌రూ ఆయ‌న‌ను న‌మ్మ‌వ‌ద్ద‌ని కోరారు . దీంతో బీఆర్ఎస్ చీఫ్ కు బిగ్ షాక్ త‌గిన‌ట్ల‌యింది. విచిత్రం ఏమిటంటే మ‌హారాష్ట్ర డిప్యూటీ సీఎం దేవేంద్ర ఫ‌డ్న‌వీస్ స్వ‌స్థ‌లం నాగ్ పూర్ లో కేసీఆర్ పార్టీ ఆఫీసు ప్రారంభించ‌డం విశేషం.

Also Read : BRSS Viral : బీఆర్ఎస్ కాదు అది బీఆర్ఎస్ఎస్