Sonia Gandhi DK : బెంగ‌ళూరుకు చేరుకున్న సోనియా
స్వాగ‌తం ప‌లికిన డీకే శివ‌కుమార్
Sonia Gandhi DK : ఏఐసీసీ మాజీ చీఫ్ , సీపీపీ చైర్ ప‌ర్స‌న్ సోనియా గాంధీ సోమ‌వారం బెంగ‌ళూరుకు చేరుకున్నారు. ఆమె రాక సంద‌ర్బంగా భారీ ఎత్తున ఏర్పాట్లు చేశారు. ఎయిర్ పోర్ట్ కు చేరుకున్న సోనియా గాంధీకి ఏఐసీసీ చీఫ్ మ‌ల్లికార్జున్ ఖ‌ర్గేతో పాటు క‌ర్ణాట‌క పీసీసీ చీఫ్ , డిప్యూటీ సీఎం డీకే శివ‌కుమార్(DK Shiva Kumar) సాద‌ర స్వాగ‌తం ప‌లికారు.
రెండు రోజుల పాటు 17, 18న బెంగ‌ళూరు వేదిక‌గా విప‌క్షాల కూట‌మి ప్ర‌త్యేక స‌మావేశం ఏర్పాటు చేసింది. తొలి స‌మావేశం పాట్నాలో తొలి మీటింగ్ జ‌రిగింది. రెండో స‌మావేశం హిమాచ‌ల్ ప్ర‌దేశ్ రాజ‌ధాని సిమ్లాలో జ‌ర‌పాల‌ని నిర్ణ‌యించారు. ఈ కీల‌క భేటీ జేడీయూ చీఫ్ , బీహార్ సీఎం నితీశ్ కుమార్ ఆధ్వ‌ర్యంలో జ‌రిగింది.
భారీ వ‌ర్షం కార‌ణంగా వ‌ర‌ద‌లు రావ‌డంతో పెద్ద ఎత్తున ఆస్తి, ప్రాణ న‌ష్టం చోటు చేసుకుంది. దీంతో కీల‌క‌మైన విప‌క్షాల క‌మిటీని క‌ర్ణాట‌క‌లోని బెంగ‌ళూరుకు మార్చారు. ఏఐసీసీ చీఫ్ మ‌ల్లికార్జున్ ఖ‌ర్గే దేశంలోని 26 పార్టీల చీఫ్ ల‌ను కీల‌క భేటీకి రావాల‌ని ఆహ్వానించారు. అంత‌కు ముందు ఆయా పార్టీల నేత‌ల‌కు విందు ఇచ్చారు సోనియా గాంధీ.
ఇదిలా ఉండ‌గా దేశంలో ప్ర‌జాస్వామ్యం ప్ర‌మాదంలో ప‌డింద‌ని ఆవేద‌న వ్య‌క్తం చేశారు ఏఐసీసీ చీఫ్ ఖ‌ర్గే. మోదీ సార‌థ్యంలోని బీజేపీ ప్ర‌భుత్వం కేంద్ర ద‌ర్యాప్తు సంస్థ‌ల‌ను అడ్డం పెట్టుకుని వేధింపుల‌కు పాల్ప‌డుతున్నారంటూ ఆరోపించారు.
Also Read : Baby Movie : బేబీ మూవీ క‌లెక్ష‌న్ల సునామీ