Sridhar Babu : దుద్దిళ్ల కీల‌క కామెంట్స్
కేబినెట్ విష‌యం తెలియ‌దు
Sridhar Babu : హైద‌రాబాద్ – మంథని ఎమ్మెల్యే, మాజీ మంత్రి దుద్దిళ్ల శ్రీ‌ధ‌ర్ బాబు(Sridhar Babu) కీల‌క వ్యాఖ్య‌లు చేశారు. ఆయ‌న న్యూఢిల్లీలో ఉన్నారు. తాను డీకే శివ‌కుమార్ ను క‌లిశాన‌ని, అయితే కేబినెట్ ఏర్పాటు విష‌యం త‌న‌కు తెలిద‌ని సంచ‌ల‌న వ్యాఖ్య‌లు చేశారు.
Sridhar Babu Comments about Cabinet Confirmation
ఇదిలా ఉండ‌గా ఇప్ప‌టికే టీపీసీసీ చీఫ్ , ప్ర‌స్తుతం సీఎంగా నియ‌మితులైన రేవంత్ రెడ్డి ఢిల్లీలో ఉన్నారు. ఆయ‌న ప‌లువురిని క‌లుసుకున్నారు. వారంద‌రినీ రేపు హైద‌రాబాద్ లో జ‌రిగే ప్ర‌మాణ స్వీకారోత్స‌వ కార్య‌క్ర‌మానికి హాజ‌రు కావాలంటూ ఆహ్వానించారు.
అయితే సీఎం పోస్టును ఆశించిన ఉత్త‌మ్ కుమార్ రెడ్డి, మ‌ల్లు భ‌ట్టి విక్ర‌మార్క సైతం ఢిల్లీలోనే ఉండ‌డం విశేషం. అయితే హైక‌మాండ్ మాత్రం ఎవ‌రికి ఏ పోస్టులు కేటాయించాల‌నే దానిపై క‌స‌ర‌త్తు చేస్తున్న‌ట్లు స‌మాచారం.
మ‌రో వైపు రేవంత్ రెడ్డికి పూర్తి క్లారిటీ రావ‌డంతో త‌న త‌ర‌పు నుంచి కూడా ఓ లిస్టు కూడా ఏఐసీసీకి అంద‌జేసిన‌ట్లు టాక్. రేపు కేవ‌లం ఆయ‌న మాత్ర‌మే ప‌ద‌వీ ప్ర‌మాణ స్వీకారం చేస్తారా లేక మ‌రికొంద‌రితో క‌లిసి ప్ర‌మాణ స్వీకారం చేస్తారా అనేది తెలియాల్సి ఉంది. ఇప్ప‌టికే ఆహ్వానాలు పంపించింది కాంగ్రెస్ పార్టీ.
Also Read : Pawan Kalyan : రైత‌న్న‌ల‌ను స‌ర్కార్ ఆదుకోవాలి