Tejashvi Yadav : ప్ర‌మాణ స్వీకారంలో తేజ‌స్వి యాద‌వ్
హాజ‌రైన అతిర‌థ మ‌హార‌థులు
Tejashvi Yadav : దేశంలోని వివిధ రాజ‌కీయ పార్టీల‌కు చెందిన నాయ‌కులు , సీఎంలు, మాజీ సీఎంలు హాజ‌ర‌య్యారు. ప్ర‌ధాన ఆక‌ర్ష‌ణ‌గా నిలిచారు. జేడీయూ చీఫ్, బీహార్ సీఎం నితీశ్ కుమార్. ఆయ‌న‌తో పాటు డిప్యూటీ సీఎం తేజ‌స్వి యాద‌వ్(Tejashvi Yadav) హాజ‌ర‌య్యారు. సీఎంగా సిద్ద‌రామ‌య్య, డిప్యూటీ సీఎంగా డీకే శివ‌కుమార్ ప్ర‌మాణ స్వీకారం చేశారు. వీరితో పాటు ఎనిమిది మంది మంత్రులుగా ప్ర‌మాణ స్వీకారం చేశారు. ఏఐసీసీ చీఫ్ మ‌ల్లికార్జున్ ఖ‌ర్గే ప్ర‌సంగిస్తూ ఇది పూర్తిగా క‌ర్ణాట‌క ప్ర‌జ‌లు సాధించిన విజ‌య‌మ‌న్నారు.
వీరితో పాటు రాజ‌స్థాన్ సీఎం అశోక్ గెహ్లాట్ , ఛ‌త్తీస్ గ‌ఢ్ సీఎం భూపేష్ బ‌ఘేల్ , ఎన్సీపీ చీఫ్ శ‌ర‌ద్ ప‌వార్ , వామ‌ప‌క్ష పార్టీల నాయ‌కులు డి. రాజా, సీతారాం ఏచూరితో పాటు ప్ర‌ముఖ న‌టులు శివ‌రాజ్ కుమార్ , క‌మ‌ల్ హాస‌న్ హాజ‌ర‌య్యారు. ప్ర‌ధానంగా త‌మిళ‌నాడు సీఎం ఎంకే స్టాలిన్ ,మాజీ సీఎంలు ఫ‌రూక్ అబ్దుల్లా, మెహ‌బూబా ముఫ్తీ హాజ‌ర‌య్యారు.
ఇక ఎనిమిది మంది మంత్రులుగా ప్ర‌మాణ స్వీకారం చేసిన వారిలో ఎస్సీ సామాజిక వ‌ర్గానికి చెందిన జి. ప‌ర‌మేశ్వ‌ర, ఎస్సీకి చెందిన కేహెచ్ మునియ‌ప్ప, మైనార్టీ,క్రిస్టియ‌న్ వ‌ర్గానికిచెందిన కేజీ జార్జ్ , లింగాయ‌త్ కు చెందిన ఎంబీ పాటిల్ , ఎస్టీ వాల్మీకి కులానికి చెందిన స‌తీష్ జార్కి హోళీ, మ‌ల్లికార్జున్ ఖ‌ర్గే కుమారుడు ప్రియాంక్ ఖ‌ర్గే ,రెడ్డి సామాజిక వ‌ర్గానికి చెందిన రామ లింగా రెడ్డి, మైనార్టీ వ‌ర్గానికి చెందిన జ‌మీర్ అహ్మ‌ద్ ఖాన్ ఉన్నారు.
Also Read : Nitish Kumar Gehlot