BJP List : బీజీపీ లిస్టుపై వీడ‌ని ఉత్కంఠ
ఖ‌రారు చేయ‌ని హైక‌మాండ్
BJP List : హైద‌రాబాద్ – అభ్య‌ర్థుల ఎంపిక‌లో అంద‌రికంటే ముందంజ‌లో ఉండే భార‌తీయ జ‌న‌తా పార్టీ(BJP) ఉన్న‌ట్టుండి తెలంగాణ రాష్ట్రానికి వ‌చ్చే స‌రిక‌ల్లా ఇంకా అభ్య‌ర్థుల ఎంపిక కొలిక్కి రాలేదు. ఇప్ప‌టికే అధికారంలో ఉన్న భార‌త రాష్ట్ర స‌మితి పార్టీ బాస్, సీఎం కేసీఆర్ 119 సీట్ల‌కు అభ్య‌ర్థుల‌ను ఖ‌రారు చేశారు. స‌గానికి పైగా క్యాండిడేట్స్ కు బి ఫార‌మ్ లు కూడా ఇచ్చేశారు. ఇక ప్ర‌ధాన ప్రతిప‌క్షంగా ఉన్న కాంగ్రెస్ పార్టీ తొలి జాబితాను ప్ర‌క‌టించింది. ఇందులో భాగంగా 55 సీట్ల‌కు అభ్య‌ర్థుల‌ను ఖ‌రారు చేసింది.
BJP List for Assembly Elections Updates
ఇక గ‌తంలో ఎన్న‌డూ లేని రీతిలో రాష్ట్ర బీజేపీలో ఏకంగా 6,000ల‌కు పైగా ద‌ర‌ఖాస్తులు అందాయి. దీంతో ఎవ‌రిని ఎంపిక చేయాల‌నే దానిపై మ‌ల్ల‌గుల్లాలు ప‌డుతున్నారు ఆ పార్టీ రాష్ట్ర చీఫ్‌, కేంద్ర మంత్రి గంగాపురం కిష‌న్ రెడ్డి. ఇప్ప‌టికే పార్టీకి చెందిన సీనియ‌ర్ల‌తో చ‌ర్చ‌లు కొన‌సాగిస్తున్నారు. అయినా కొలిక్కి రాలేదు అభ్య‌ర్థుల ఎంపిక‌పై.
దీంతో ఉత్కంఠ ఇంకా కొన‌సాగుతూనే ఉంది. ఇంత వ‌ర‌కూ క‌నీసం తొలి జాబితాను కూడా ప్ర‌క‌టించ‌క పోవ‌డం విస్తు పోయేలా చేస్తోంది పార్టీ శ్రేణుల‌ను. విచిత్రం ఏమిటంటే కీల‌క, సీనియ‌ర్ నేత‌ల‌కు సంబంధించి స్థానాల‌ను ఖ‌రారు చేయ‌క పోవ‌డం విడ్డూరంగా ఉంది. ఇక బీజేపీని దాటేసి పోయాయి బీఆర్ఎస్, కాంగ్రెస్. ఇలా అయితే రాష్ట్రంలో ఎలా బీజేపీ ప‌వ‌ర్ లోకి వ‌స్తుంద‌ని ప్ర‌శ్నిస్తున్నారు.
Also Read : AP Govt : ద‌స‌రా సెల‌వుల్లో మార్పు – జ‌గ‌న్