Sarkaru Vaari Paata : సర్కార్ వారి పాట‌కు తీపికబురు
టికెట్ రేట్ల పెంపున‌కు గ్రీన్ సిగ్న‌ల్
Sarkaru Vaari Paata : ప‌రుశురామ్ ద‌ర్శ‌క‌త్వంలో ప్రిన్స్ మహేష్ బాబు, కీర్తి సురేష్ జంట‌గా న‌టించిన సర్కార్ వారి పాట ఈనెల 12న విడుద‌ల కానుంది. ఇప్ప‌టికే మూవీ మేక‌ర్స్ ఏర్పాట్ల‌లో మునిగి పోయారు. ఈ చిత్రంపై భారీ అంచ‌నాలు నెల‌కొన్నాయి.
ఇప్ప‌టికే ఏపీ ప్ర‌బుత్వం విడుద‌ల సంద‌ర్భంగా టికెట్ల ధ‌ర‌లు పెంచుకునేందుకు అనుమ‌తి ఇచ్చింది. ఇదే స‌మ‌యంలో తెలంగాణ సర్కార్ సైతం తీపికబురు అందించింది. సర్కార్ వారి పాట (Sarkaru Vaari Paata)మూవీ టికెట్ రేట్లు పెంచుకునేందుకు అనుమ‌తి ఇచ్చింది.
ఈ మేర‌కు రాష్ట్ర హోం శాఖ ఉత్త‌ర్వులు జారీ చేసింది. ఈనెల 12 నుంచి 18వ తేదీ వ‌ర‌కు ఈ టికెట్ల ధ‌ర‌ల పెంపు వ‌ర్తిస్తుంద‌ని జారీ చేసిన ఉత్త‌ర్వుల‌లో పేర్కొంది.
ఈ విష‌యాన్ని ధ్రువీక‌రించారు తెలంగాణ హొం శాఖ ముఖ్య కార్య‌ద‌ర్శి ర‌వి గుప్తా. అంతే కాకుండా సర్కార్ వారి పాట సినిమాకు సంబంధించి టికెట్ల ధ‌ర‌లు పెంచు కోవ‌డంతో పాటు ఈ ఏడు రోజుల పాటు ఐదు షోస్ న‌డిపేందుకు కూడా అనుమ‌తి ఇచ్చిన‌ట్లు స్ప‌ష్టం చేశారు.
ఇక టికెట్ ధ‌ర‌ల కు సంబంధించి మల్టి ప్లెక్స్ , రిక్లైన‌ర్ , లార్జ్ స్క్రీన్ ఐమ్యాక్స్ వంటి థియేట‌ర్ల‌లో టికెట్ పై రూ. 50 రూపాయ‌లు పెంచేందుకు ప‌ర్మిష‌న్ ఇచ్చామ‌న్నారు.
ఇదే స‌మ‌యంలో సాధార‌ణ ఏసీ థియేట‌ర్ల‌లో రూ. 30 చొప్పున పెంచుకునేందుకు కూడా అనుమ‌తి ఇచ్చామ‌ని వెల్ల‌డించారు. ఇదిలా ఉండ‌గా నాన్ ఏసీ థియేట‌ర్ల‌కు సంబంధించి థ‌రులు పెంచేందుకు ప‌ర్మిష‌న్ ఇవ్వ లేద‌ని పేర్కొన్నారు.
కాగా రేట్ల పెంచేందుకు ప‌ర్మిష‌న్ ఇచ్చిన తెలంగాణ ప్ర‌భుత్వానికి ధ‌న్య‌వాదాలు తెలిపారు మూవీ మేక‌ర్స్.
Also Read : ప్రియాంక చోప్రా కూతురి ఫోటో వైర‌ల్