TMC Win Panchayat Poll : పంచాయ‌తీ ఎన్నిక‌ల్లో టీఎంసీ హ‌వా

TMC Win Panchayat Poll : ప‌శ్చి మ బెంగాల్ లో జ‌రిగిన పంచాయ‌తీ ఎన్నిక‌ల్లో అధికారంలో ఉన్న తృణ‌మూల్ కాంగ్రెస్(TMC) పార్టీ బ‌ల‌ప‌ర్చిన అభ్య‌ర్థులు అత్య‌ధిక స్థానాల‌లో గెలుపొందారు. కాగా భార‌తీయ జ‌న‌తా పార్టీ రెండో స్థానంలో నిల‌వ‌డం విశేషం. మూడంచెల పంచాయ‌తీ ఎన్నిక‌ల్లో మొత్తం 74 వేల స్థానాల‌కు ఎన్నిక‌లు జ‌రిగాయి. ఓట్ల లెక్కింపు దాదాపు ముగిసింది. ఓట్లు కొల్ల‌గొట్టేందుకు టీఎంసీ అక్ర‌మ మ‌ర్గాల‌ను అవ‌లంభించింద‌ని బీజేపీ ఆరోపించింది. దాడులు కూడా చోటు చేసుకున్నాయి. చివ‌ర‌కు కొంద‌రు ప్రాణాలు కూడా కోల్పోయారు. పంచాయ‌తీ ఎన్నిక‌లు సైతం అసెంబ్లీ ఎన్నిక‌ల‌ను త‌ల‌పింప చేశాయి.

ఇక టీఎంసీతో పాటు బీజేపీ, ఇత‌ర పార్టీలు వ‌చ్చే సార్వ‌త్రిక ఎన్నిక‌లకు ఈ ఫ‌లితాలు ఓ తీర్పుగా భావించాయి. వీటిని ప్ర‌తిష్టాత్మ‌కంగా భావించాయి. టీఎంసీ స‌మీప కాంగ్రెస్, బీజేపీ అభ్య‌ర్థుల‌పై పూర్తి ఆధిక్యాన్ని సాధించిన‌ట్లు స‌మాచారం. రాష్ట్ర వ్యాప్తంగా తృణ‌మూల్ పార్టీ కార్యాల‌యాల్లో సంబురాలు మిన్నంటాయి.

ఈ సంద‌ర్బంగా టీఎంసీ చీఫ్, ప‌శ్చిమ బెంగాల్ సీఎం మ‌మ‌తా బెన‌ర్జీ స్పందించారు. సంతోషాన్ని వ్య‌క్తం చేశారు. త‌న ప‌ట్ల , త‌న పార్టీ ప‌ట్ల ప్ర‌జ‌లు ఇంకా న‌మ్మ‌కంతో ఉన్నార‌ని చెప్పేందుకు ఈ ఎన్నిక‌ల ఫ‌లితాలు సాక్ష్య‌మ‌ని స్ప‌ష్టం చేశారు దీదీ. రాబోయే ఎన్నిక‌ల్లో సైతం తాము అత్య‌ధిక ఫ‌లితాలు సాధించ‌గ‌ల‌మ‌ని పేర్కొన్నారు సీఎం.

Also Read : Jawan Prevue : బాద్ షా జ‌వాన్ మూవీ రికార్డ్