TSRTC Offer : టీఎస్ఆర్టీసీ ఇండిపెండెన్స్ డే ఆఫ‌ర్

TSRTC Offer : టీఎస్ఆర్టీసీ తీపి క‌బురు చెప్పింది ప్ర‌యాణీకుల‌కు. నిత్యం రోజూ 45 ల‌క్ష‌ల మంది ఆర్టీసీ బ‌స్సుల్లో ప్ర‌యాణం చేస్తుంటారు. ఆగ‌స్టు 15 స్వాతంత్ర దినోత్స‌వం సంద‌ర్బంగా ప్ర‌యాణీకుల‌కు ప్ర‌త్యేక రాయితీలు ప్ర‌క‌టించింది. సీనియ‌ర్ సిటిజ‌న్ల‌కు ప‌ల్లె వెలుగు బ‌స్సుల్లో 50 శాతం డిస్కౌంట్ ఇస్తున్నట్లు తెలిపింది. హైద‌రాబాద్ లో రూ. 75కే టి-24 టికెట్ ఇస్తున్న‌ట్లు పేర్కొంది. రాష్ట్రంలోని ప‌ల్లె వెలుగు బ‌స్సుల‌లో న‌గ‌రంలోని సాధార‌ణ ప్ర‌యాణీకుల‌కు ఈ సౌక‌ర్యం అంద‌చేస్తున్న‌ట్లు ఆర్టీసీ ఎండీ వీసీ స‌జ్జ‌నార్(VC Sajjanar) వెల్లడించారు.

TSRTC Offer For Passengers

గ్రామీణ‌, ప‌ట్ట‌ణ ప్రాంతాల్లో తిరిగే ప‌ల్లె వెలుగు స‌ర్వీసుల్లో సీనియ‌ర్ సిటిజ‌న్ల‌కు టికెట్ లో 50 శాతం రాయితీ ఉంటుంద‌న్నారు. పిల్ల‌ల‌కు టి24 టికెట్ ను రూ. 50కే అంద‌జేస్తున్న‌ట్లు పేర్కొన్నారు. ఇండిపెండెన్స్ డే ఒక్క రోజు మాత్ర‌మే ఈ రాయితీలు ఉంటాయ‌ని స్ప‌ష్టం చేశారు వీసీ స‌జ్జ‌నార్.

ప్ర‌స్తుతం సాధార‌ణ ప్ర‌యాణీకుల‌కు టి24 టికెట్ రూ. 120 ఉండ‌గా మ‌హిళ‌లు, సీనియ‌ర్ల‌కు రూ.100, ఇక 12 ఏళ్ల లోపు పిల్ల‌ల‌కు రూ. 80గా ఉంది. ఆగ‌స్టు 15 భార‌తీయులంద‌రికీ పండుగ రోజు. మ‌న దేశ చ‌రిత్ర‌లో ఇదో మైలు రాయిగా నిలిచి పోతుంద‌ని అందుకే ప్రయాణీకుల‌కు రాయితీ ఇస్తున్న‌ట్లు తెలిపారు ఎండీ.

Also Read : Cheetah TTD : తిరుమ‌ల‌లో ఎట్ట‌కేల‌కు చిక్కిన చిరుత