TTD Chairman : వ‌రుణ యాగంతో దేశం సుభిక్షం
టీటీడీ చైర్మ‌న్ భూమ‌న క‌రుణాక‌ర్ రెడ్డి
TTD Chairman : తిరుమ‌ల – తిరుమ‌ల తిరుప‌తి దేవ‌స్థానం (టీటీడీ) ఆధ్వ‌ర్యంలో పెద్ద ఎత్తున వ‌రుణ యాగాన్ని చేప‌ట్టారు. రాష్ట్రం, దేశం సుభిక్షంగా ఉండాల‌ని ఈ యాగాన్ని నిర్వ‌హించిన‌ట్లు ధ‌ర్మ‌క‌ర్త‌ల మండ‌లి చైర్మ‌న్ భూమ‌న క‌రుణాక‌ర్ రెడ్డి స్ప‌ష్టం చేశారు.
TTD Chairman Comments Viral
తిరుమ‌ల‌లో కొలువైన శ్రీ వేంక‌టేశ్వ‌ర స్వామి, శ్రీ అలివేలు మంగ‌మ్మ‌ల ఆశీస్సుల‌తో భారీగా వ‌ర్షాలు కురుస్తున్నాయ‌ని తెలిపారు. స‌కాలంలో వ‌ర్షాలు కురవాల‌ని, దేశ‌మంతా సుభిక్షంగా, క‌ళ క‌ళ లాడాని స‌త్ సంక‌ల్పంతో తిరుమ‌ల తిరుప‌తి దేవ‌స్థానం వ‌రుణ యాగం నిర్వ‌హించిన‌ట్లు చెప్పారు చైర్మ‌న్ భూమ‌న క‌రుణాక‌ర్ రెడ్డి.
తిరుమ‌ల లోని శ్రీ‌నివాస మంగాపురం ఆల‌యంలో అష్టోత్త‌ర, శ‌త కుండాత్మ‌క మ‌హా శాంతి వ‌రుణ యాగం నిర్వ‌హించారు. ఈవో ఏవీ ధ‌ర్మా రెడ్డితో క‌లిసి గోపూజ నిర్వ‌హించారు టీటీడీ(TTD) చైర్మ‌న్. అనంత‌రం మ‌హా పూర్ణాహుతి కార్య‌క్ర‌మంలో పాల్గొన్నారు.
అనంత‌రం భూమ‌న క‌రుణాక‌ర్ రెడ్డి మీడియాతో మాట్లాడారు. వ‌రుణుడిని ప్ర‌స‌న్నం చేసుకునేందుకు మూడు రోజుల పాటు వ‌రుణ యాగం చేప‌ట్టిన‌ట్లు తెలిపారు. మూడు రాష్ట్రాల‌కు చెందిన 210 మంది రుత్వికులు ఈ యాగంలో పాల్గొన్నార‌ని స్ప‌ష్టం చేశారు టీటీడీ చైర్మ‌న్.
Also Read : Judge Hima Bindu Comment : బాబుకు ఝ‌ల‌క్ ఇచ్చిన జ‌డ్జి