TTD Release Tickets : 24న అంగ ప్రదక్షిణ టికెట్ల కోటా విడుదల
ఉద‌యం 10 గంట‌ల‌కు టీటీడీ ఆన్ లైన్ లో
TTD Release Tickets : శ్రీ‌వారి భ‌క్తుల‌కు తిరుమ‌ల తిరుప‌తి దేవ‌స్థానం (టీటీడీ) తీపి క‌బురు చెప్పింది. ఇందులో భాగంగా శ్రీ‌వారి ద‌ర్శ‌నానికి సంబంధించి టికెట్ల కోటాను విడుదల చేయ‌నుంది. శ్రీ‌వారి అంగ ప్రదక్షిణ టికెట్ల‌కు సంబంధించిన అక్టోబ‌ర్ నెల కోటాను జూలై 24న ఉద‌యం 10 గంట‌ల‌కు టికెట్లు రిలీజ్ చేయ‌నున్న‌ట్లు స్ప‌ష్టం చేసింది.
TTD Release Tickets on 24th
ఇక శ్రీ‌వాణి ట్ర‌స్టు దాత‌ల కోసం ద‌ర్శ‌నం, గ‌దుల‌కు సంబంధించి అక్టోబ‌ర్ కోటాను సైతం 24న ఉద‌యం 11 గంట‌ల‌కు ఆన్ లైన్ లో విడుదల చేయ‌నున్న‌ట్లు తెలిపింది TTD. వ‌యో వృద్దులు, దివ్యాంగులు, దీర్ఘ‌కాలిక వ్యాధులు ఉన్న భ‌క్తులు తిరుమ‌ల శ్రీ‌వారిని ద‌ర్శించు కునేందుకు వీలుగా అక్టోబ‌ర్ నెల ఉచిత ప్ర‌త్యేక ద‌ర్శ‌నం టోకెన్ల కోటాను 24న మ‌ధ్యాహ్నం 3 గంట‌ల‌కు విడుదల చేయ‌నున్న‌ట్లు తెలిపింది.
ఇక ఆగ‌స్టు, సెప్టెంబ‌ర్ నెల‌ల‌కు సంబంధించిన ప్ర‌త్యేక ప్ర‌వేశ ద‌ర్శ‌న టికెట్ల అద‌న‌పు కోటాను జూలై 25న ఉద‌యం 10 గంట‌ల‌కు ఆన్ లైన్ లో విడుదల చేయ‌నున్న‌ట్లు పేర్కొంది. ఇక అక్టోబ‌ర్ నెల‌కు సంబంధించిన ప్ర‌త్యేక ప్ర‌వేశ ద‌ర్శ‌న టికెట్ల కోటాను 25న ఉద‌యం 10 గంట‌ల‌కు ఆన్ లైన్ రిలీజ్ చేయ‌నున్న‌ట్లు తెలిపింది.
ఇక గ‌దుల కోటాకు సంబంధించి తిరుమ‌ల, తిరుప‌తి, త‌ల‌కోన‌లో అక్టోబ‌ర్ నెల గ‌దుల కోటాను జూలై 26న ఉద‌యం 10 గంట‌ల‌కు ఆన్ లైన్ లో విడుదల చేస్తామ‌ని పేర్కొంది.
Also Read : Godavari River Rises : గోదావరి 43.2 కి చేరుకున్న నీటి మట్టం