#RashimkaMandanna : కోలీవుడ్ స‌రే బాలీవుడ్ లో రాణిస్తుందా
బాలీవుడ్ పై గంపెడాశ‌లు
Rashimka Mandanna : అన‌తి కాలంలోనే అత్యంత ప్ర‌జాద‌ర‌ణ క‌లిగిన న‌టిగా మంచి పేరు తెచ్చుకుంది ల‌వ్లీ బ్యూటీ ర‌ష్మిక మంద‌న్నా. టాలీవుడ్ లో ఆమె స్టార్ హీరోయిన్ గా నీరాజ‌నాలు అందుకుంటోంది.
టాప్ ఫైవ్ హీరోయిన్ల‌లో ర‌ష్మిక (Rashimka Mandanna)ఒక‌రు. ఆమె విజ‌య్ దేవ‌ర‌కొండ తో న‌టించిన గీత గోవిందం టాలీవుడ్ ను ఊపేసింది. ఆ త‌ర్వాత నితిన్ తో భీష్మ తీసింది. దానికి పాజిటివ్ టాక్ వ‌చ్చినా ఎందుక‌నే భారీ వ‌సూళ్లు రాబ‌ట్ట లేక పోయింది.
ఆ త‌ర్వాత ప్రిన్స్ మ‌హేష్ బాబుతో తీసిన స‌రిలేరు నీకెవ్వ‌రు సినిమా బాక్సాఫీసు వ‌ద్ద క‌లెక్ష‌న్ల సునామీ సృష్టించింది.
ప్ర‌స్తుతం ప‌లు చిత్రాల‌తో బిజీగా మారింది ర‌ష్మిక. వ‌రుస సినిమాల‌తో బిజీగా ఉన్న ర‌ష్మిక మంద‌న్నా కోలీవుడ్ లో పేరు తెచ్చుకోవాల‌ని అనుకుంది.
కార్తీ తో క‌లిసి త‌మిళంలో సుల్తాన్ సినిమా చేసింది. పాజిటివ్ టాక్ వ‌చ్చినా ఎందుక‌నో డిజాస్ట‌ర్ గా మిగిలి పోయింది.
దీంతో తీవ్ర నిరాశ‌కు గురైంది ర‌శ్మిక మంద‌న్నా.
ప్ర‌స్తుతం క్రియేటివ్ డైరెక్ట‌ర్ సుకుమార్ ద‌ర్శ‌క‌త్వంలో అల్లు అర్జున్ తో పుష్ప‌రాజ్ మూవీలో న‌టించింది. ఇది రిలీజ్ కు రెడీగా ఉంది.
ఈ క‌న్న‌డ బ్యూటీ క్రేజ్ అమాంతం పెర‌గ‌డంతో ఆమె న‌టించిన ఇత‌ర భాషా చిత్రాల‌ను తెలుగులోకి డ‌బ్ చేస్తూ రిలీజ్ చేయ‌డం స్టార్ట్ చేశారు.
పొగ‌రు సినిమాను ఇటీవ‌లే విడుద‌ల చేస్తే భారీ ఓపెనింగ్స్ కూడా వ‌చ్చాయి.
భారీ అంచ‌నాల మ‌ధ్య రిలీజైన సుల్తాన్ మాత్రం ఆశించిన మేర ఆడ‌లేదు. కోలీవుడ్ లో సూపర్ ఎంట్రీ ఇద్దామ‌ని అనుకున్న ర‌శ్మిక పూర్తిగా డిజ‌ప్పాయింట్ అయింది
.సుల్తాన్ మూవీ చేస్తుండ‌గానే ఆమెకు త‌మిళ త‌ళ‌ప‌తి విజ‌య్ తో న‌టించే ఛాన్స్ వ‌చ్చింది. ఎందుక‌నో బుట్ట‌బొమ్మ పూజా హెగ్డే ఎగ‌రేసుకు పోయింది. అయినా ఫీల్ కాలేదు. ఒక్క‌సారి హిట్ వ‌స్తే ఛాన్స్ లు వ‌స్తాయ‌ని న‌మ్మింది.
ఇపుడు బాలీవుడ్ లో ఓ సినిమాలో న‌టిస్తోంది. దానిపై న‌మ్మ‌కం పెట్టుకుంది. ఇదైనా వ‌ర్క‌వుట్ అవుతుందా అనే టెన్ష‌న్ లో ఉంది ఈ అమ్మ‌డు.
No comment allowed please