Yashaswini Reddy : ఎర్ర‌బెల్లిని త‌రిమి కొడ‌తాం

Yashaswini Reddy : పాల‌కుర్తి – ఇన్నేళ్లుగా అధికారాన్ని అడ్డం పెట్టుకుని అరాచకం చేస్తున్న మంత్రి ఎర్రబెల్లి దయాక‌ర్ రావుకు చుక్క‌లు చూపిస్తాన‌ని అన్నారు కాంగ్రెస్ పార్టీ అభ్య‌ర్థిని య‌శ‌స్విని రెడ్డి. ఎన్నిక‌ల ప్ర‌చారంలో భాగంగా ఆమె విస్తృతంగా ప‌ర్య‌టిస్తున్నారు. టోపీలు పెట్టే బాబులు తండ్రీ కొడుకులు కేసీఆర్, కేటీఆర్ అని ఎద్దేవా చేశారు. తాము ప్ర‌జ‌ల‌కు సేవ చేసేందుకే వ్యాపారాల‌ను, డ‌బ్బుల‌ను కాదని పాల‌కుర్తికి వ‌చ్చామ‌ని చెప్పారు.

Yashaswini Reddy Shocking Comments on Minister Errabelli

కేవ‌లం జ‌నం కోసం విలాస‌వంత‌మైన జీవితాన్ని వ‌దులుకున్నామ‌ని అన్నారు య‌శ‌స్విని రెడ్డి. మా కోసం , మా పిల్ల‌ల కోసం దోచుకోవ‌డానికి రాలేద‌న్నారు. ప్ర‌జ‌ల కోరిక మేర‌కే ఝాన్సీ రెడ్డి ఇక్క‌డికి వ‌చ్చార‌ని అన్నారు. ఇప్పుడు కాదు గ‌త కొన్నేళ్లుగా సామాజిక సేవా కార్య‌క్ర‌మాల‌ను చేప‌డుతూ వ‌చ్చామ‌ని తెలిపారు. రాజ‌కీయాలు త‌మ‌కు కొత్తే కావ‌చ్చు కానీ సేవ‌కు కాద‌న్నారు.

ఇవాళ ఎంద‌రికో తాము విద్యా దానం చేశామ‌న్నారు య‌శ‌స్విని రెడ్డి. పాల‌కుర్తి నుంచి ఎర్ర‌బెల్లిని(Errabelli) పంపించ‌డ‌మే త‌న ముందున్న ల‌క్ష్య‌మ‌ని స్ప‌ష్టం చేశారు. ఈసారి కూడా త‌ను గెలిస్తే ఇక్క‌డ జ‌నం అంటూ మిగ‌ల‌ర‌ని అన్నారు. ప్ర‌జ‌ల కోస‌మే తాము బ‌రిలోకి దిగామని అన్నారు. ఈ ఒక్క‌సారి ఛాన్స్ ఇస్తే పాల‌కుర్తిలో మార్పు అంటే ఏమిటో చూపిస్తామ‌న్నారు.

Also Read : Congress Rebels : తగ్గేదే లేదంటున్న రెబ‌ల్స్