YS Jagan : ‘బాబు’ అబ‌ద్దాల‌లో దిట్ట మోసాల పుట్ట
నిప్పులు చెరిగిన ఏపీ సీఎం జ‌గ‌న్ మోహ‌న్ రెడ్డి
YS Jagan : ఏపీ సీఎం సందింటి జ‌గ‌న్ మోహ‌న్ రెడ్డి నిప్పులు చెరిగారు. టీడీపీ చీఫ్ , మాజీ సీఎం నారా చంద్ర‌బాబు నాయుడిని ఏకి పారేశారు. అబ‌ద్దాలు చెప్ప‌డంలో ఆయ‌న‌ను మించిన వారెవ్వ‌రూ లేర‌న్నారు.
ఆపై అక్ర‌మాల‌కు కేరాఫ్ గా ఏపీని మార్చిసేన ఘ‌న‌త ఆయ‌న‌కే ద‌క్కుతుంద‌న్నారు. కాపు నేస్తం న‌గ‌దు పంపిణీ కార్య‌క్ర‌మం సంద‌ర్భంగా ఏర్పాటు చేసిన స‌మావేశంలో ఈ కీల‌క వ్యాఖ్య‌లు చేశారు సీఎం.
ప్ర‌జ‌ల‌కు మాయ మాట‌లు చెప్పి మోసం చేసిన ఘ‌న‌త చంద్ర‌బాబుకే ద‌క్కుతుంద‌న్నారు. ఆయ‌న మాట‌లు చెబితే తాము మాత్రం ఎన్నిక‌ల సంద‌ర్భంగా ఏం చెప్పామో వాటినే అమ‌లు చేస్తున్నామ‌ని చెప్పారు జ‌గ‌న్ రెడ్డి(YS Jagan).
ప‌నిలో ప‌నిగా జ‌న‌సేన చీఫ్ ప‌వ‌న్ క‌ళ్యాణ్ గురించి కీల‌క వ్యాఖ్య‌లు చేశారు. ఈ న‌టుడు సినిమాలోనే కాదు నిజ జీవితంలో బాగా న‌టిస్తున్నాడంటూ ఎద్దేవా చేశారు.
హోల్ సేల్ గా కాపుల‌ను చంద్ర‌బాబుకు అమ్మేస్తాడంటూ సంచ‌ల‌న ఆరోప‌ణ‌లు చేశారు సీఎం. అబ‌ద్దాల‌ను ప‌దే ప‌దే ప్ర‌చారం చేస్తే అవి నిజ‌మై పోతాయ‌ని చంద్ర‌బాబు అనుకుంటున్నాడ‌ని కానీ జ‌నం వాటిని న‌మ్మే స్థితిలో లేర‌న్నారు.
దేశంలో ఎక్క‌డా లేని రీతిలో ఏపీలో సంక్షేమ ప‌థ‌కాల‌ను అమ‌లు చేస్తున్నామ‌ని స్ప‌ష్టం చేశారు జ‌గ‌న్ మోహ‌న్ రెడ్డి(YS Jagan). ఊ అంటే 40 సంవ‌త్స‌రాల అనుభ‌వం అని చెప్పుకోవ‌డం త‌ప్పా చేసిందేమీ లేద‌న్నారు.
కొన్ని భ‌జ‌న ప‌త్రిక‌లు, ఛాన‌ళ్ల అండ చూసుకుని రెచ్చిపోతే ఇక్క‌డ ఎవ‌రూ న‌మ్మ‌ర‌న్నారు సీఎం.
Also Read : జ‌గ‌న్ వ్యూహం గెలుపే ల‌క్ష్యం