YS Jagan : చంద్ర‌బాబుపై జ‌గ‌న్ సెటైర్
మోసం చేసేందుకు మ‌ళ్లీ వ‌స్తున్నాడు
YS Jagan : ఏపీ సీఎం సందింటి జ‌గ‌న్ రెడ్డి నిప్పులు చెరిగారు. టీడీపీ చీఫ్ , మాజీ సీఎం నారా చంద్ర‌బాబు నాయుడిపై సెటైర్లు వేశారు. నిత్యం రాజ‌కీయాలతో బిజీగా ఉంటూ తన‌కు ఏమీ తెలియ‌దంటే ఎలా న‌మ్మాల‌ని ప్ర‌శ్నించారు.
దోచుకో దాచుకో అన్న‌ది చంద్ర‌బాబు సిద్దాంత‌మ‌ని మండిప‌డ్డారు. బాబును ముసలి పులితో పోల్చాడు. జ‌గ‌న్ చేసిన కామెంట్స్ క‌ల‌క‌లం రేపాయి. రైతుల‌ను న‌ట్టేట ముంచిన ఘ‌న‌త చంద్ర‌బాబుద‌ని ధ్వ‌జ‌మెత్తారు. ప‌దే ప‌దే అబ‌ద్దాల‌ను చెప్ప‌డం వ‌ల్ల ప్ర‌జ‌లు న‌మ్మ‌ర‌న్నారు.
మ‌హిళ‌ల‌ను రుణాల పేరుతో మోసం చేసిన ఘ‌న‌త బాబుకే ద‌క్కుతుంద‌న్నారు. సున్నా వ‌డ్డీ ప‌థ‌కాన్ని ర‌ద్దు చేశాడ‌ని, నిరుద్యోగ భృతి ఇస్తాన‌ని చెప్పి మొండి చేయి చూపాడ‌ని ఆరోపించాడు వైఎస్ జ‌గ‌న్. మ‌రోసారి ప్ర‌జ‌ల‌ను, ఏపీని మోసం చేసేందుకు వ‌స్తున్నాడ‌ని జ‌ర జాగ్ర‌త్త అని హెచ్చ‌రించారు. రాబోయే రోజుల్లో ఇంకాస్తా ముందుకు వెళ్లి ఆచ‌ర‌ణ‌కు నోచుకోని హామీలు ఇస్తున్నాడ‌ని పేర్కొన్నాడు సీఎం(YS Jagan).
రాష్ట్రంలో త‌మ ప్ర‌భుత్వం అమ‌లు చేసిన ప‌థ‌కాలను చూసి త‌ట్టుకోలేక పోతున్నాడంటూ చంద్ర‌బాబుపై మండిప‌డ్డారు జ‌గ‌న్. దేశానికి ఆద‌ర్శ ప్రాయంగా ఉండాలే తాను రాష్ట్రాన్ని తీర్చి దిద్దాన‌ని అన్నారు. ప్ర‌జ‌లు బాబు చెప్పే మాట‌ల‌ను న‌మ్మ వ‌ద్ద‌ని కోరారు. తాము అమ‌లు చేస్తున్న సంక్షేమ ప‌థ‌కాలు, కార్య‌క్ర‌మాలు ఏ రాష్ట్రంలో అమ‌లు జ‌ర‌గ‌డం లేద‌న్నారు ఏపీ సీఎం వైఎస్ జ‌గ‌న్ రెడ్డి(YS Jagan).
Also Read : నాకు కేసులు..జైళ్లు కొత్త కాదు