YS Sharmila : పేద‌ల దేవుడు వైఎస్సార్ – ష‌ర్మిల

YS Sharmila : పేద‌ల పాలిట నిజ‌మైన దేవుడు డాక్ట‌ర్ వైఎస్ రాజ‌శేఖ‌ర్ రెడ్డి అని పేర్కొన్నారు వైఎస్సార్ టీపీ చీఫ్ వైఎస్ ష‌ర్మిల‌. సెప్టెంబ‌ర్ 2 వైఎస్సార్ వ‌ర్దంతి. ఇడుపులపాయ‌కు చేరుకున్నారు వైఎస్ ష‌ర్మిల ఫ్యామిలీ. ఆయ‌న స‌మాధి వ‌ద్ద‌కు చేరుకుని నివాళులు అర్పించారు.

YS Sharmila Pays Tributes to Dr.YSR

దివంగ‌త వైఎస్సార్ ఈ ప్ర‌పంచం నుంచి దూర‌మై 14 ఏళ్లు అవుతోంది. ఇవాళ వ‌ర్దంతి సంద‌ర్భంగా పెద్ద ఎత్తున నేత‌లు, నాయ‌కులు, అభిమానులు వైఎస్సార్ ను స్మ‌రించుకుంటున్నారు. ష‌ర్మిల(YS Sharmila) మాట్లాడుతూ తెలుగు ప్ర‌జ‌ల గుండెల్లో వైఎస్సార్ ఇంకా బ‌తికే ఉన్నాడ‌ని పేర్కొన్నారు.

వైఎస్సార్ అమ‌లు చేసిన సంక్షేమ ప‌థ‌కాలను ప్ర‌జ‌లు ఇంకా మ‌రిచి పోలేద‌న్నారు వైఎస్ ష‌ర్మిల‌. ఆయ‌న‌ది మంచి మ‌న‌సు అని, ఆయ‌న తీసుకు వ‌చ్చిన ప‌థ‌కాలు ప్ర‌తి ఇంటికీ చేరాయ‌న్నారు. వైఎస్సార్ రైతు పక్ష‌పాతి అని పేర్కొన్నారు.

ఉచిత విద్యుత్ ఇచ్చి రైతుల ప‌ట్ల త‌న‌కు ఉన్న ప్రేమ ఏమిటో చూపించాడ‌ని అన్నారు. రుణ మాఫీ చేసి రైతుల‌ను రుణ విముక్తుల‌ను చేసిన ఘ‌న‌త తన తండ్రిద‌ని స్ప‌ష్టం చేశారు. 46 ల‌క్షల ప‌క్కా ఇండ్లు క‌ట్టించార‌ని , పేద‌ల‌కు అందుబాటులో ఉండేలా ఆరోగ్య శ్రీ‌ని తీసుకు వ‌చ్చాడ‌ని గుర్తు చేశారు వైఎస్ ష‌ర్మిల‌.

Also Read : Aditya-L1 Mission : నింగి లోకి ఆదిత్య – ఎల్1