#BigBossOTT : బిగ్ బాస్ ఓటీటీలో ఎవ‌రెవ‌రు 

BigBoss OTT : తెలుగు వాకిళ్ల‌లోనే కాదు ప్ర‌పంచ వ్యాప్తంగా ఉన్న తెలుగు వారిని ఈ మ‌ధ్య బాగా ఆక‌ట్టుకున్న ప్రోగ్రాం ఏదైనా ఉందంటే అది బిగ్ బాస్. దేశ వ్యాప్తంగా ప‌లు ప్రాంతాల్లో కొనసాగుతూనే ఉన్నా..తెలుగులో వ‌స్తున్న బిగ్ బాస్ రియాల్టీ షోకుBigBoss OTT) పెద్ద ఎత్తున ప్రేక్ష‌కాద‌ర‌ణ ల‌భిస్తోంది.

ఇప్ప‌టి వ‌ర‌కు ఐదు షోస్ పూర్త‌య్యాయి. ప్ర‌స్తుతం ప్ర‌ముఖ న‌టుడు అక్కినేని నాగార్జున దీనికి హోస్ట్ గా ఉన్నారు. తాజాగా ఓటీటీ ప్లాట్ ఫామ్(BigBoss OTT) పై కూడా టెలికాస్ట్ చేయాల‌ని భావిస్తున్నారు నిర్వాహ‌కులు.

ఇదే విష‌యాన్ని స్వ‌యంగా వ్యాఖ్యాత‌గా వ్య‌వ‌హ‌రిస్తున్న అక్కినేని నాగార్జున ప్ర‌క‌టించాడు. ఆ షోను కూడా తానే నిర్వ‌హిస్తున్న‌ట్లు వెల్ల‌డించాడు. దీంతో ఎవ‌రు ఉంటారనే దానిపై ఉత్కంఠ నెల‌కొంది.

ఇదే స‌మ‌యంలో సోష‌ల్ మీడియాలో కొన్ని పేర్లు చ‌క్క‌ర్లు కొడుతున్నాయి. ఈ షో మ‌రో రెండు నెల‌ల్లో ప్రారంభం కానుంది. యాంక‌ర్లు వ‌ర్షిణి, రాజు, దుర్గారావు, వైష్ణ‌వి, వంద‌న‌, ప్ర‌త్యూష పేర్లు వినిపిస్తున్నాయి.

వీరిలో న‌లుగురిని ఎంపిక చేసిన‌ట్లు స‌మాచారం. బిగ్ బాస్ ఓటీటీ లో వ‌చ్చే ఫిబ్ర‌వ‌రి నెల నుంచి ప్రారంభం కానుంద‌ని టాక్. ఇదిలా ఉండ‌గా ఓక్ ఎంట‌ర్ టైన్ మెంట్స్ దీని నిర్వ‌హ‌ణ బాధ్య‌త‌ను పంచుకుంటుంద‌ని స‌మాచారం.

ఏది ఏమైనా బిగ్ బాస్ షో కోసం చాలా మంది ఉత్కంఠ‌తో ఎదురు చూస్తున్నారు. ఇప్ప‌టికే హ‌య్యెస్ట్ వ్యూవ‌ర్ షిప్ ఈ ఒక్క ప్రోగ్రామ్ కు ఉండ‌డం విశేషం. టీవీ9లో యాంక‌ర్ గా ఉన్న ప్ర‌త్యూష ఉంటుందా లేదా అన్న‌ది ప్ర‌శ్నార్థ‌కంగా మారింది.

Also Read : షారుఖ్ గా మారిన మేక‌ప్ ఆర్టిస్ట్