David Warner : త‌గ్గేదేలే అంటున్న వార్న‌ర్ భ‌య్యా

David Warner : సుకుమార్ ద‌ర్శ‌క‌త్వంలో ఐకాన్ స్టార్ అల్లు అర్జున్, ర‌ష్మిక మంద‌న్నా క‌లిసి న‌టించిన పుష్ప మూవీ దుమ్ము రేపుతోంది. పాన్ ఇండియా మూవీగా ఇప్ప‌టికే రూ. 300 కోట్లకు పైగా క‌లెక్ష‌న్లతో దూసుకు పోతోంది.

ఈ మూవీకి సంబంధించిన డైలాగులు, పాట‌లు పాపుల‌ర్ అయ్యాయి. క్రికెట‌ర్లు సైతం ఈ సినిమా సాంగ్స్ కు స్టెప్పులు వేస్తూ ఇర‌గ దీస్తున్నారు.

తాజాగా మ‌న డేవిడ్ వార్న‌ర్(David Warner) అన్న పుష్ప మూవీకి సంబంధించి త‌గ్గేదే లే అంటూ డైలాగ్ తో ఆక‌ట్టుకున్నాడు. తాజాగా శ్రీ‌వ‌ల్లి సాంగ్ కు స్టెప్పులు వేస్తూ వీడియో షేర్ చేశాడు.

ఇప్పుడు నెట్టింట్లో వార్న‌ర్ పాట హ‌ల్ చ‌ల్ చేస్తోంది. స‌న్ రైజ‌ర్స్ ఆఫ్ హైద‌రాబాద్ ఐపీఎల్ టీం కు ప్రాతినిధ్యం వ‌హించిన వార్న‌ర్ (David Warner)ఇప్ప‌టికే ప‌లుసార్లు తెలుగు సినిమా పాట‌ల‌ను అనుక‌రిస్తూ పోస్ట్ చేశాడు.

వార్న‌ర్ చేసిన ఆ వీడియో పాట‌లు యూట్యూబ్ ను , సామాజిక మాధ్య‌మాల‌ను షేక్ చేశాయి. తాజాగా మ‌నోడు దుబాయి వేదిక‌గా జ‌రిగిన టీ20 వ‌ర‌ల్డ్ క‌ప్ తర్వాత ఫుల్ ఫామ్ లోకి వ‌చ్చాడు.

స్వ‌దేశంలో ఇంగ్లండ్ తో జ‌రిగిన టెస్టు సీరీస్ లో అద్భుతంగా రాణించాడు. వార్న‌ర్ కు తెలుగు సినిమాల‌న్నా న‌టులంటే వ‌ల్ల‌మాలిన అభిమానం.

లిప్ సింక్ చేయ‌డం లేదా పాట‌ల‌కు డ్యాన్స్ చేస్తూ వీడియోలు షేర్ చేస్తూ న‌వ్వించ‌డ‌మే కాదు అల‌రించేందుకు య‌త్నిస్తుంటాడు. ఒక్కోసారి త‌న భార్య‌తో క‌లిసి డ్యాన్స్ చేస్తూ షేక్ చేస్తాడు వార్న‌ర్.

వార్న‌ర్ తాజాగా ఇన్ స్టా గ్రామ్ లో షేర్ చేసిన శ్రీ‌వ‌ల్లి సాంగ్ ఇప్పుడు మ‌రోసారి టాప్ లో నిలిచేలా చేసింది. పుష్పా త‌దుప‌రి ఏమిటి అనే టెక్స్ట్ తో స‌హా వీడియోను పంచుకున్నాడు.

Also Read : విరాట్ కోహ్లీ మామూలోడు కాదు