Kriti Sanan : ఆదిపురుష్ సినిమా అంద‌రిది – కృతి సనన్
ప్రి రిలీజ్ వేడుక‌లో న‌టి కీల‌క వ్యాఖ్య‌లు
Kriti Sanan : ఈ సినిమా క‌ల‌క‌లం కాలం గుర్తుండి పోయేలా నిలిచి పోతుంది. ఇందులో ఎలాంటి అనుమానం అక్క‌ర్లేదు. భార‌తీయ ఇతిహాసం రామాయ‌ణం యావ‌త్ లోకం ఉన్నంత దాకా ఉంటుంది. ఇక ద‌ర్శ‌కుడు ఓం రౌత్ తీసిన ఆదిపురుష్ చ‌రిత్ర సృష్టించడం ఖాయ‌మ‌ని జోష్యం చెప్పారు ఇందులో జాన‌కి (సీత) పాత్ర‌లో న‌టించిన కృతీ సనన్(Kriti Sanan). ఇది నా ఒక్క సినిమా అనుకుంటే పొర‌పాటు ప‌డిన‌ట్లే, ఇది ప్ర‌తి ఒక్క‌రి సినిమా, ప్ర‌తి భార‌తీయుడు చూడాల్సిన సినిమా అని స్ప‌ష్టం చేశారు.
ఈనెల 16న ప్ర‌పంచ వ్యాప్తంగా ఆది పురుష్ విడుద‌ల‌వుతోంది. ప్ర‌తి ఒక్క‌రూ చూడండి. సినిమాను ఆద‌రించండి. మ‌మ్మ‌ల్ని ఆశీర్వ‌దించండి అని కోరారు న‌టి కృతీ సనన్. తిరుప‌తిలో జ‌రిగిన ఆది పురుష్ ప్రీ రిలీజ్ వేడుక‌ల‌లో ఆమె పాల్గొని ప్ర‌సంగించారు. అంత‌కు ముందు ప్ర‌భాస్ తో క‌లిసి తిరుమ‌ల‌ను ద‌ర్శించుకున్నారు. శ్రీ వేంక‌టేశ్వ‌ర స్వామి, అలివేలుమంగ‌మ్మల ఆశీర్వాదం పొందారు.
భారీ ఎత్తున అభిమానులు హాజ‌ర‌య్యారు. ఇక ఈ ప్రి రిలీజ్ వేడుక‌ల‌కు ముఖ్య అతిథులుగా జ‌గ‌ద్గురువు శ్రీ‌శ్రీ‌శ్రీ త్రిదండి రామానుజ చిన్న జీయ‌ర్ స్వామి, తిరుమ‌ల తిరుప‌తి దేవ‌స్థానం చైర్మ‌న్ వైవీ సుబ్బారెడ్డి హాజ‌ర‌య్యారు. చిత్ర యూనిట్ కు స్వామి వారు మంగళా శాస‌నాలు అందించారు. నిజ‌మైన బాహుబ‌లి శ్రీ‌రాముడు ఒక్క‌డేనని అన్నారు.
ఈ సంద‌ర్భంగా చిత్ర యూనిట్ ను ప్ర‌త్యేకంగా అభినందించారు. ఈ మూవీ ఘ‌న విజ‌యం సాధించాల‌ని కోరారు. అస‌లైన రాముడు ప్ర‌భాస్ లో క‌నిపిస్తున్నాడ‌ని ప్ర‌శంసించారు.
Also Read : Prabhas Adipurush : తిరుప‌తిలోనే ముహూర్తం – ప్ర‌భాస్