Noor Ahmed : ఐపీఎల్ లో నూర్ అహ్మ‌ద్ హ‌ల్ చ‌ల్

ఎవ‌రీ నూర్ అహ్మ‌ద్ అనుకుంటున్నారా. నిత్యం తుపాకుల మోత‌తో ద‌ద్ద‌రిల్లే ఆఫ్గనిస్తాన్ కు చెందిన క్రికెట‌ర్. ప‌దునైన బంతుల్ని విస‌రుతూ ప్ర‌త్య‌ర్థుల‌కు చుక్క‌లు చూపిస్తున్నాడు ఈ లెగ్ స్పిన్న‌ర్. మ‌రో స్టార్ ఆల్ రౌండ‌ర్ ర‌షీద్ ఖాన్ తో క‌లిసి స‌త్తా చాటుతున్నాడు. ఈసారి ఐపీఎల్ వేలం పాట‌లో గుజ‌రాత్ టైటాన్స్ ఏరికోరి ఎంచుకుంది నూర్ అహ్మ‌ద్ ను.

ఇప్ప‌టికే భారీ ధ‌ర‌కు కొనుగోలు చేసింది మ‌రో స్టార్ క్రికెట‌ర్ ర‌షీద్ ఖాన్ ను. ఇప్పుడు ర‌షీద్, నూర్ గుజ‌రాత్ కు అద‌న‌పు బ‌లంగా మ‌రారు. ఆ జ‌ట్టు విజ‌యంలో కీల‌క పాత్ర పోషిస్తున్నారు.

ఈసారి ఐపీఎల్ సీజ‌న్ లో మెరుపులా మెరిశాడు నూర్ అహ్మ‌ద్. జ‌న‌వ‌రి 3, 2005లో ఆఫ్గ‌నిస్తాన్ లోని హెరాత్ లో. న‌వంబ‌ర్ 30, 2022లో శ్రీ‌లంక‌తో వ‌న్డేలో అరంగేట్రం చేశాడు నూర్ అహ్మ‌ద్. జూన్ 14, 2022లో జింబాబ్వేతో టి20లో ఎంట్రీ ఇచ్చాడు. ప‌లు లీగ్ ల‌లో ఆడాడు. 2019లో కాబూల్ లీగ్, 2020లో ఐనాక్ నైట్స్ , 2021లో మెల్బోర్న్ రెనెగేడ్స్ , ఇదే ఏడాదిలో క‌రాచీ కింగ్స్ త‌ర‌పున స‌త్తా చాటాడు.

గాలే గ్లాడియేట‌ర్స్ , 2022లో క్వెట్టా గ్లాడియేట‌ర్స్ , వెల్స్ ఫైర్ త‌ర‌పున ఆడాడు. గ‌త ఏడాది గుజ‌రాత్ త‌ర‌పున ఎంపిక‌య్యాడు నూర్ అహ్మ‌ద్. తాజాగా ఐపీఎల్ 16వ సీజ‌న్ లో నూర్ అహ్మ‌ద్ కీల‌క‌మైన బౌల‌ర్ గా మారాడు. ప్ర‌తి మ్యాచ్ లో త‌న‌దైన శైలిలో బౌలింగ్ చేస్తూ ప్ర‌త్య‌ర్థుల‌కు చుక్క‌లు చూపిస్తున్నాడు. ముంబై ఇండియ‌న్స్ తో జ‌రిగిన కీల‌క లీగ్ మ్యాచ్ లో 37 ప‌రుగులు ఇచ్చి 3 వికెట్లు తీశాడు.