Virat Kohli Shane Watson : ఆల్ టైమ్ ఆల్ రౌండ‌ర్ వాట్స‌న్

Virat Kohli Shane Watson : భార‌త స్టార్ క్రికెట‌ర్, మాజీ కెప్టెన్ విరాట్ కోహ్లీ(Virat Kohli) ఆస‌క్తిక‌ర వ్యాఖ్య‌లు చేశాడు. ఇప్ప‌టి వ‌ర‌కు బీసీసీఐ ఆధ్వ‌ర్యంలో కొన‌సాగుతున్న ఇండియ‌న్ ప్రిమీయ‌ర్ లీగ్ (ఐపీఎల్) 15 సీజ‌న్లు ముగిశాయి. ప్ర‌స్తుతం ఈ ఏడాది 2023 ఐపీఎల్ 16వ సీజ‌న్ కొన‌సాగుతోంది. ఇదిలా ఉండ‌గా విరాట్ కోహ్లీ మీడియాతో మాట్లాడాడు.

మీ దృష్టిలో అద్భుత‌మైన ఆల్ రౌండ‌ర్ ఎవ‌రు అన్న ప్ర‌శ్న‌కు ఆస‌క్తిక‌ర స‌మాధానం ఇచ్చాడు. త‌న దృష్టిలో ఎంద‌రో ఆల్ రౌండ‌ర్లు ఉన్నార‌ని, కానీ ఆల్ టైమ్ ఆల్ రౌండ‌ర్ మాత్రం షేన్ వాట్స‌న్(Shane Watson) అని కితాబు ఇచ్చాడు. అంతే కాదు సునీల్ స‌రైన్ , ర‌షీద్ ఖాన్ ల‌లో ఎవ‌రు గొప్ప స్పిన్న‌ర్ అన్న ప్ర‌శ్న‌కు ఆఫ్గాన్ స్టార్ స్పిన్న‌ర్ ర‌షీద్ ఖాన్ పేర్కొన్నాడు.

ప్ర‌స్తుతం ర‌న్ మెషీన్ చేసిన కామెంట్స్ ప్రాధాన్య‌త సంత‌రించుకున్నాయి. గ‌తంలో ఐపీఎల్ లో రాజ‌స్థాన్ రాయ‌ల్స్ , ఆర్సీబీ త‌ర‌పున షేన్ వాట్సన్ ఆడాడు. ప్ర‌పంచ క్రికెట్ లో దిగ్గ‌జ క్రికెట‌ర్ గా పేరు పొందిన విరాట్ కోహ్లీ త‌న గురించి గొప్ప‌గా చెప్ప‌డంతో షేన్ వాట్స‌న్ సంతోషం వ్య‌క్తం చేశాడు. ఉబ్బి త‌బ్బిబ్బ‌య్యాడు.

ఇదిలా ఉండ‌గా ఐపీఎల్ లో అద్భుత‌మైన ఆల్ రౌండ‌ర్లు ఉన్నారు. వారిలో కీర‌న్ పొలార్డ్ , ఆండ్రూ ర‌స్సెల్ , సునీల్ స‌రైన్ , బ్రావో, పాండ్యా, ర‌వీంద్ర జ‌డేజా పేరు పొందారు. కానీ ర‌న్ మెషీన్ మాత్రం త‌న ఛాయిస్ షేన్ వాట్స‌న్ కావ‌డం విశేషం.

Also Read : స‌మ‌రానికి రాజ‌స్థాన్ బెంగ‌ళూరు రెఢీ