Anushka Shetty : 18 ఏళ్లు పూర్తి చేసుకున్న అనుష్క శెట్టి

Anushka Shetty : సీనీ కెరీర్ లో అనుష్క శెట్టి 18 ఏళ్లు పూర్తి చేసుకుంది. ఈ సంద‌ర్బంగా ట్విట్ట‌ర్ వేదిక‌గా వాయిస్ మెస్సేజ్ ద్వారా త‌న‌కు శుభాకాంక్ష‌లు తెలియ చేసిన ప్ర‌తి ఒక్క‌రికీ థ్యాంక్స్ తెలిపారు అనుష్క వెట్టి. ఆమె అస‌లు పేరు స్వీటీ శెట్టి. న‌వంబ‌ర్ 7, 1981లో పుట్టారు. తెలుగు, త‌మిళ చిత్రాల‌లో న‌టిస్తోంది. ప‌లు అవార్డులు, పుర‌స్కారాలు ద‌క్కాయి. ఇప్ప‌టి వ‌ర‌కు త‌న కెరీర్ లో 47 సినిమాల‌లో న‌టించింది. అత్య‌ధిక పారితోష‌కం తీసుకునే ద‌క్షిణాది న‌టీమ‌ణుల‌లో అనుష్క శెట్టి ఒక‌రు. ఆమెను లేడీ సూప‌ర్ స్టార్ గా గుర్తింపు పొందారు.

Anushka Shetty In 18

2005లో తెలుగు చ‌ల‌న చిత్రం సూప‌ర్ తో ఎంట్రీ ఇచ్చింది. ఈ సినిమాకు ద‌ర్శ‌క‌త్వం వ‌హించారు డైన‌మిక్ ద‌ర్శ‌కుడు పూరీ జ‌గ‌న్నాథ్. ఈ చిత్రంలో నాగార్జున న‌టించారు. ఎస్ఎస్ రాజమౌళి ద‌ర్శ‌క‌త్వం వ‌హించిన బ్లాక్ బ‌స్ట‌ర్ మూవీ విక్ర‌మార్కుడు మూవీలో న‌టించింది. ల‌క్ష్యం, శౌర్యం, చింత‌కాయ‌ల ర‌వి త‌దిత‌ర చిత్రాల‌న్నీ బాక్సాఫీసుల వ‌ద్ద దుమ్ము రేపాయి. ఉత్త‌మ న‌టి గా ఫిలిం ఫేర్ అవార్డు పొందింది.

2010లో అనుష్క శెట్టి(Anushka Shetty) త‌మిళంలో న‌టించిన వేట్లై కార‌న్ , సింగం, సింగం-2 , యెన్నై అరిందాల్ యాక్ష‌న్ చిత్రాలు మంచి గుర్తింపు పొందాయి. భారీ స‌క్సెస్ సాధించాయి. వానం, దైవ తిరుమ‌గ‌ల్ , సైజ్ జీరో సినిమాల‌లో న‌టన‌కు ప్ర‌శంస‌లు ద‌క్కాయి అనుష్క శెట్టికి.

2015 లో రుద్ర‌మ‌దేవి చిత్రంలో న‌టించింది . ఈ చిత్రం ఆమెకు మంచి పేరు తీసుకు వ‌చ్చేలా చేసింది. ఉత్త‌మ న‌టిగా మూడో ఫిలిం ఫేర్ అవార్డు గెలుచుకుంది. ఎస్ఎస్ రాజ‌మౌళి తీసిన బ్లాక్ బ‌స్ట‌ర్ మూవీ బాహుబ‌లి, బాహుబ‌లి-2 లో దేవ‌సేన పాత్ర‌లో లీన‌మై న‌టించింది. ఈ రెండు చిత్రాలు అత్య‌ధిక వ‌సూళ్లు సాధించాయి. అనుష్క శెట్టి స్వ‌స్థ‌లం క‌ర్ణాట‌క‌. మంగ‌ళూరులో పుట్టారు.

Also Read : Srisailam Project : శ్రీ‌శైలం ప్రాజెక్టుకు వ‌ర‌ద ఉధృతి