Babu Mohan : ప్రజాశాంతి పార్టీలో చేరిన టాలీవుడ్ సీనియర్ నటుడు

Babu Mohan : టాలీవుడ్ నటుడు, మాజీ మంత్రి బాబు మోహన్ ప్రజాశాంతి పార్టీలో చేరారు. కేఏ పాల్ ఆయనకు కండువా కప్పి పార్టీలోకి ఆహ్వానించారు. బాబూమోహన్ గత ఎన్నికల్లో భారతీయ జనతా పార్టీ అభ్యర్థిగా అందోల్ నుంచి పోటీ చేశారు. అయితే కేవలం 5,524 ఓట్లతో 3వ స్థానంలో నిలిచారు. అక్కడ కాంగ్రెస్ అభ్యర్థి దామోదర రాజ నర్సింహ విజయం సాధించారు. గత ఎన్నికల్లో భారతీయ జనతా పార్టీ అభ్యర్థిగా బాబూ మోహన్ ఉండగా, ఆయన కుమారుడు ఉదయ్ భాస్కర్ బీఆర్‌ఎస్ కండువా కప్పి కారు గుర్తుకు ఓట్లు వేయాలని ప్రచారం చేశారు.

Babu Mohan Join in…

ఇటీవల భారతీయ జనతా పార్టీపై విమర్శలు గుప్పించిన బాబూ మోహన్ ఫిబ్రవరి 7న ఆ పార్టీకి వీడ్కోలు పలికారు.వరంగల్ లోక్‌సభ సీటు ఇవ్వాలని నిర్ణయించుకున్న తరుణంలో ఆయన భారతీయ జనతా పార్టీని వీడినట్లు వార్తలు వచ్చాయి. భారతీయ జనతా పార్టీని వీడితే ఏ రాజకీయ పార్టీలో చేరుతారో త్వరలో ప్రకటిస్తానని చెప్పారు. అయితే ఆయన అనూహ్యంగా ప్రజాశాంతి పార్టీలో చేరడం పలువురిని ఆశ్చర్యపరిచింది. అయితే బాబూ మోహన్… వరంగల్ లోక్ సభ స్థానంలో ప్రజాశాంతి పార్టీ నుంచి పోటీ చేస్తారని సమాచారం.

Also Read : Udhayanidhi Stalin : సనాతన ధర్మ వివాదంపై ఉదయనిధిపై మండిపడ్డ సుప్రీమ్ కోర్ట్