Bandi Sanjay : ఓడిపోతే రాజకీయాల నుంచి తప్పుకుంటా అంటూ కేటీఆర్ కు సవాల్ విసిరిన బండి

Bandi Sanjay : ‘‘కరీంనగర్ పార్లమెంట్ సీటులో ఓడిపోతే రాజకీయ సన్యాసం చేస్తా.. గెలిస్తే బీఆర్ఎస్ దుకాణం మూసేస్తారా? అని బీజేపీ జాతీయ ప్రధాన కార్యదర్శి, కరీంనగర్ పార్లమెంట్ సభ్యుడు బండి సంజయ్(Bandi Sanjay) అన్నారు. కేటీఆర్ కు సవాల్ విసిరారు. కరీంనగర్ జిల్లా చొప్పదండి మండలం చొప్పదండిలో ఏర్పాటు చేసిన ప్రజా సంక్షేమ కార్యక్రమంలో భాగంగా గురువారం పలు గ్రామాల్లో పాదయాత్ర చేసిన అనంతరం చొప్పదండిలో ఆయన మాట్లాడారు. ‘‘కేటీఆర్, నీ సవాల్‌ని స్వీకరించేందుకు నేను సిద్ధంగా ఉన్నాను. కేసీఆర్ను తీసుకురా.. కరీంనగర్‌కు ఎవరు ఏం చేశారో చర్చకు సిద్ధం’’ అని అన్నారు. దమ్మంటే తన సవాల్‌ను ఎదుర్కోవడానికి రావాలన్నారు.

Bandi Sanjay Comments Viral

బీఆర్ఎస్ ప్రభుత్వ హయాంలో కరీంనగర్ అభివృద్ధి, పోరాటాలు, అవినీతిపై కరీంనగర్-కమాన్ వేదికగా చర్చకు సిద్ధమన్నారు. రాముడి పేరు చెప్పి కేసీఆర్ ఎన్టీఆర్ దగ్గర ఎమ్మెల్యే టికెట్ తెచ్చుకున్నారని అన్నారు. కేటీఆర్ అసలు పేరు అజయ్ రావు అని, అయితే ఎన్టీఆర్ దగ్గర టిక్కెట్ కోసం తారక రామారావుగా పేరు మార్చుకున్నారని విమర్శించారు. దేవుడిపై నమ్మకం లేని కేటీఆర్.. రాముడి గురించి మాట్లాడేందుకు సిగ్గుపడాలి. వేములవాడ గుడి, కొండగట్టు గుడి, ధర్మపురి గుడి అభివృద్ధి చేస్తానని చెప్పి కేసీఆర్ మోసం చేశారన్నారు. అన్ని పనులకు మోదీ నిధులు ఇస్తే కాంగ్రెస్‌కు ఓటు వేశారని, అయితే ఈసారి అలా చేయవద్దని కోరారు. జాతీయ కాంగ్రెస్ పార్టీకి ప్రధాని అభ్యర్థి ఎవరో తెలియడం లేదని ఆయన ఆవేదన వ్యక్తం చేశారు.

Also Read : KT Ramarao: సీఎం రేవంత్‌ పక్కనే మానవ బాంబులు ఉన్నాయి – మాజీ మంత్రి కేటీఆర్‌