K Annamalai Jadeja : జ‌డేజా మావోడు చెన్నైని గెలిపించిండు
బీజేపీ స్టేట్ చీఫ్ కే. అన్నామ‌లై కామెంట్స్
K Annamalai Jadeja : త‌మిళ‌నాడు భార‌తీయ జ‌న‌తా పార్టీ చీఫ్ కె. అన్నామ‌లై(Annamalai) సంచ‌ల‌న వ్యాఖ్య‌లు చేశారు. ఓ వైపు సీఎం ఎంకే స్టాలిన్ ఐపీఎల్ క‌ప్ ను కైవ‌సం చేసుకున్న చెన్నై సూప‌ర్ కింగ్స్ ను ప్ర‌శంస‌ల‌తో ముంచెత్తితే అన్నామ‌లై మాత్రం మా బీజేపీ కార్య‌క‌ర్త జ‌డేజా వ‌ల్ల‌నే సీఎస్కే గెలిచిందంటూ పేర్కొన్నారు. ప్ర‌స్తుతం బీజేపీ చీఫ్ చేసిన కామెంట్స్ క‌ల‌క‌లం రేపుతున్నాయి. ఆయ‌న బ‌హిరంగంగా త‌మిళ అభిమానం చాటుకున్నారు. చివ‌ర‌కు ఆట‌ల్లో పాలిటిక్స్ కూడా ఎంట్రీ కావ‌డం ఒకింత ఇబ్బందిక‌రంగా మారింది.
ఓ వైపు ప్ర‌తిభ క‌లిగిన ఆట‌గాళ్ల‌కు ఛాన్స్ లు రావ‌డం లేదంటే మ‌రో వైపు ఆట‌గాళ్ల‌ను మా వాళ్లంటూ పేర్కొన‌డం , దానికి రాజ‌కీయ రంగు ఆపాదించ‌డం చ‌ర్చ‌కు దారి తీసేలా చేసింది.
ఫైన‌ల్ మ్యాచ్ గుజ‌రాత్ లోని అహ్మదాబాద్ లో జ‌రిగింది. ర‌వీంద్ర జ‌డేజా ఆఖ‌రి ఓవ‌ర్ లోని 5,6 వ బంతికి సిక్స్ ,ఫోర్ కొట్టి చెన్నై సూప‌ర్ కింగ్స్ ను గెలిపించాడు. ఈ సంద‌ర్భంగా త‌నే హీరోగా మారాడు. అయితే జ‌డేజా త‌మ కార్య‌క‌ర్త అంటూ బీజేపీ ప్ర‌చారం చేసింది. అంతే కాదు జ‌డేజా భార్య రివాబా జ‌డేజా కూడా బీజేపీ నుంచి ఇటీవ‌ల జ‌రిగిన ఎన్నిక‌ల్లో ఎమ్మెల్యేగా గెలుపొందింది. జ‌డేజా,భార్య క‌లిసి ఇద్ద‌రూ ప్ర‌ధాన‌మంత్రి న‌రేంద్ర మోదీతో స‌మావేశం అయ్యారు.
అప్ప‌ట్లో ఆ ఫోటోలు హ‌ల్ చ‌ల్ చేశాయి. తాజాగా జ‌డేజాను కూడా బీజేపీ త‌మ ఖాతాలో వేసుకోవ‌డం మాత్రం తీవ్రంగా త‌ప్పు ప‌డుతున్నారు ఫ్యాన్స్. అయితే ఫైన‌ల్ లో ఓడి పోయిన గుజ‌రాత్ టైటాన్స్ లో త‌మిళ‌నాడుకు చెందిన సాయి సుద‌ర్శ‌న్ కూడా మావోడేనంటూ పేర్కొన్నారు అన్నామ‌లై(Annamalai).
Also Read : Navjyot Singh Sidhu