BRO Movie Record : కాసులు కురిపిస్తున్న బ్రో

BRO Movie Record : త‌మిళ సినీ న‌టుడు, ద‌ర్శ‌కుడు స‌ముద్ర ఖ‌ని తీసిన బ్రో(BRO) ది అవ‌తార్ దుమ్ము రేపుతోంది. క‌లెక్ష‌న్ల సునామీ సృష్టిస్తోంది. రాజ‌కీయంగా ప‌లు విమ‌ర్శ‌లు ఎదుర్కొంటున్నా బ్రో మాత్రం ప‌వ‌ర్ స్టార్ కు మంచి ఊపునిచ్చేలా చేసింది. ప‌వ‌న్ క‌ళ్యాణ్ , సాయి ధ‌ర‌మ్ తేజ్ , కేతికా శ‌ర్మ‌, ప్రియా వారియ‌ర్ తో పాటు స‌ముద్ర ఖ‌ని కూడా న‌టించాడు. ఇక మ‌రో ముఖ్య‌మైన పాత్ర‌లో దిగ్గ‌జ క‌మెడియ‌న్ బ్ర‌హ్మానందం కూడా ఉండ‌డం విశేషం.

BRO Movie Record Sensational

ఇక ఎప్ప‌టి లాగే ప‌వ‌న్ కళ్యాణ్ కు అద్బుత‌మైన మ్యూజిక్ అందించాడు సంగీత ద‌ర్శ‌కుడు ఎస్ఎస్ థ‌మ‌న్. ఒక ర‌కంగా మ్యూజిక్ తో మ్యాజిక్ చేశాడు. ఇక ప్ర‌ధానంగా చెప్పుకోవాల్సింది దిగ్గ‌జ ద‌ర్శ‌కుడు త్రివిక్ర‌మ్ శ్రీ‌నివాస్. స్క్రీన్ ప్లే, మాట‌లు రాశాడు. మ‌రోసారి మైమ‌రిచి పోయేలా చేశాడు. మాట‌ల్ని పొదుపుగా వాడుతూనే అర్థ‌వంత‌మైన మెస్సేజ్ ఇచ్చాడు త్రివిక్ర‌మ్ శ్రీ‌నివాస్.

బ్రో ది అవ‌తార్ మూవీ జూలై 28న విడుద‌ల చేశారు. రిలీజ్ అయిన నాటి నుంచి నేటి దాకా బాక్సులు బ‌ద్ద‌లు అవుతున్నాయి. సినీ ట్రేడ్ వ‌ర్గాల అంచ‌నా ప్ర‌కారం కేవ‌లం 5 రోజులలో క‌లెక్ష‌న్లు రూ. 113.69 కోట్లు రావ‌డం విస్తు పోయేలా చేసింది.

తొలి రోజు రూ. 48.09 కోట్లు, రెండో రోజు రూ. 27.61 కోట్లు, మూడో రోజు రూ. 25.84 కోట్లు, నాలుగో రోజు 6.39 కోట్లు, 5వ రోజు రూ. 5.76 కోట్లు వ‌సూల‌య్యాయి. మొత్తం క‌లిపి రూ. 113 కోట్లుకు పైగా రావ‌డం విశేషం.

Also Read : Trivikram Srinivas : బాస్ నువ్వు సూప‌ర్ బ్రో