Chandra Babu Naidu : ఆ ఇద్ద‌రి త్యాగం చిర‌స్మ‌ర‌ణీయం

Chandra Babu Naidu : అమ‌రావ‌తి – తెలుగుదేశం పార్టీ చీఫ్ , మాజీ సీఎం నారా చంద్ర‌బాబు నాయుడు కీల‌క వ్యాఖ్య‌లు చేశారు. ఇవాళ ఉక్కు సంక‌ల్పం క‌లిగిన నాయ‌కుడిగా గుర్తింపు పొందిన స‌ర్దార్ వ‌ల్ల‌భాయ్ ప‌టేల్ వ‌ర్దంతి. మ‌రో వైపు ఆంధ్ర‌ప్ర‌దేశ్ రాష్ట్ర సాధ‌న కోసం త‌న ప్రాణాన్నే ప‌ణంగా పెట్టి పొట్టి శ్రీ‌రాములు లోకాన్ని వీడిన రోజు. ఈ సంద‌ర్భంగా నారా చంద్ర‌బాబు నాయుడు(Chandra Babu Naidu) వారిని స్మ‌రించుకున్నారు.

Chandra Babu Naidu Comment

ఆ ఇద్ద‌రు చేసిన త్యాగం గురించి ఎంత చెప్పినా త‌క్కువేన‌ని పేర్కొన్నారు. జాతి స‌మైక్యత కోసం ఎంత‌గానో ప‌టేల్ కృషి చేశార‌ని కొనియాడారు. అసాధార‌ణ‌మైన చ‌తుర‌త‌, విజ్ఞ‌త‌ను ప్ర‌ద‌ర్శించార‌ని ఈ సంద‌ర్భంగా పేర్కొన్నారు.

ఇక తెలుగు జాతి ఆత్మ గౌర‌వం కోసం పొట్టి శ్రీ‌రాములు త‌న విలువైన ప్రాణాన్ని తృణ ప్రాయంగా త్య‌జించార‌ని, ఇలాంటి అమ‌రులు క‌న్న ఈ నేల ఎంతో ప‌విత్ర‌మైన‌ద‌ని స్ప‌ష్టం చేశారు నారా చంద్ర‌బాబు నాయుడు.

స్పూర్తి దాయ‌క‌మైన స‌ర్దార్ వ‌ల్ల‌భాయ్ ప‌టేల్ జీవితం , పొట్టి శ్రీ‌రాములు చేసిన త్యాగం రెండూ భార‌త దేశ చ‌రిత్ర‌లో ఎల్ల‌ప్ప‌టికీ నిలిచే ఉంటుంద‌న్నారు . వారిని స్మ‌రించు కోవ‌డం ప్ర‌తి ఒక్క‌రి బాధ్య‌త అని గుర్తు చేశారు మాజీ సీఎం, టీడీపీ చీఫ్‌. ఒక‌వేళ ఆనాడు పొట్టి శ్రీ‌రాములు ఆత్మ బలిదానం చేసుకోక పోయి ఉండి ఉంటే ఇవాళ ఆంధ్ర‌ప్ర‌దేశ్ ఏర్ప‌డి ఉండేది కాద‌న్నారు.

Also Read : Telangana Governer : మెగా డీఎస్సీ..టీఎస్సీఎస్సీ ప్ర‌క్షాళ‌న