Chris Gayle : జోధ్ పూర్ లో క్రిస్ గేల్ డ్యాన్స్ అదుర్స్

Chris Gayle :  క్రిస్ గేల్ ప‌రిచ‌యం అక్క‌ర్లేని పేరు. వ‌ర‌ల్డ్ క్రికెట్ లో మోస్ట్ ప‌వ‌ర్ ఫుల్ ప్లేయ‌ర్ గా పేరొందాడు. వెస్టిండీస్ క్రికెట‌ర్ల‌లో అటాకింగ్ చేయ‌డంలో నెంబ‌ర్ వ‌న్. ఎంత వేగంతో బౌలింగ్ చేసినా ఎలాంటి బంతినైనా స‌రే సిక్స‌ర్లు, ఫోర్లుగా మ‌ల్చ‌డంలో త‌న‌కు తానే సాటి.

ప్ర‌స్తుతం క్రికెట‌ర్లు చాలా మందికి పాట‌లంటే ఇష్టం. క్రిస్ గేల్(Chris Gayle) ఊరుకుంటాడా త‌న‌దైన స్టైల్ లో గార్బా డ్యాన్స్ తో హోరెత్తించాడు. దీంతో ఫ్యాన్స్ నీ ప‌ర్ ఫార్మెన్స్ క్రికెట్ లోనే కాదు డ్యాన్సులో కూడా సూప‌ర్ అంటూ కితాబు ఇస్తున్నారు.

ప్రస్తుతం జోధ్ పూర్ లో క్రిస్ గేల్ చేసిన ఈ నృత్యానికి సంబంధించిన ఫోటోలు, వీడియోలు హ‌ల్ చ‌ల్ చేస్తున్నాయి. సోష‌ల్ మీడియాను షేక్ చేస్తున్నాయి.

ఇదిలా ఉండ‌గా వెస్టిండీస్ మాజీ బ్యాట‌ర్ క్రిస్ గేల్ , వీరేంద్ర సెహ్వాగ్ , ఇత‌ర అదానీ స్పోర్ట్స్ లైన్ యాజ‌మాన్యంలోని గుజ‌రాత్ జెయింట్స్ ఆట‌గాళ్లు రాజ‌స్థాన్ లోని జోధ్ పూర్ లో న‌వ‌రాత్రి వేడుక‌లను జ‌రుపుకున్నారు.

పండుగ సంద‌ర్భంగా క్రికెట‌ర్లు ప్ర‌త్యేక‌మైన గార్బా నైట్ లో సాంప్ర‌దాయ సంగీతానికి అనుగుణంగా డ్యాన్సుల‌తో హోరెత్తించారు. చాలా మ‌టుకు క్రికెట‌ర్లు త‌మ జెర్సీల‌ను ధరించ‌డం అల‌వాటు.

కానీ వాటికి భిన్నంగా పూర్తిగా భార‌తీయ దుస్తులు ధ‌రించి మైదానంలోకి వ‌చ్చాడు క్రిస్ గేల్. ఇంకేం గార్బా చేస్తూ అభిమానుల‌కు క‌నువిందు చేశాడు. లెజెండ్స్ లీగ్ క్రికెట్ కోసం గుజ‌రాత్ జెయింట్స్ జ‌ట్టు త‌ర‌పున ప్ర‌స్తుతం జోద్ పూర్ లో ఉన్నాడు క్రిస్ గేల్.

Also Read : శాంస‌న్ కు షాక్ ధావ‌న్ కు ఛాన్స్