CM KCR Assurance : సీట్లు రాని వాళ్ల‌కు మంచి భ‌విష్య‌త్తు
బీఆర్ఎస్ చీఫ్‌..సీఎం కేసీఆర్ వెల్ల‌డి
CM KCR Assurance : బీఆర్ఎస్ అధినేత, సీఎం కేసీఆర్ ఆస‌క్తిక‌ర వ్యాఖ్య‌లు చేశారు. సోమ‌వారం ప్ర‌గ‌తి భ‌వ‌న్ లో రాబోయే ఎన్నిక‌ల‌కు సంబంధించి భారత రాష్ట్ర స‌మితి పార్టీ త‌ర‌పున 119 నియోజ‌క‌వ‌ర్గాల‌కు సంబంధించి లిస్టును ప్ర‌క‌టించారు. మొత్తం 115 మంది అభ్య‌ర్థుల‌ను ఖ‌రారు చేశారు. 4 స్థానాల‌ను పెండింగ్ లో పెట్టారు.
CM KCR Assurance to Remining Candidates
తాను ముందు నుంచి చెబుతూ వ‌చ్చిన‌ట్లే సిట్టింగ్ ఎమ్మెల్యేల‌కు ఛాన్స్ ఇచ్చాన‌ని చెప్పారు కేసీఆర్(KCR). ఇక క్షేత్ర స్థాయిలో ఫోక‌స్ పెట్టి భారీ మెజారిటీ సాధించాల‌ని కోరారు. త‌న‌కు ఆ న‌మ్మ‌కం ఉంద‌న్నారు. ఇక కొన్ని అనివార్య కార‌ణాల రీత్యా ఏడుగురు నియోజ‌క‌వ‌ర్గాల‌లో సిట్టింగ్ ఎమ్మెల్యేల‌ను మార్చాల్సి వ‌చ్చింద‌ని చెప్పారు కేసీఆర్.
సీట్లు రాలేద‌ని బాధ ప‌డాల్సిన అవ‌స‌రం లేద‌న్నారు. గ‌తంలో పార్టీ కోసం ప‌ని చేసిన వాళ్ల‌కు మంచి ప‌ద‌వులు క‌ట్ట‌బెట్ట‌డం జ‌రిగింద‌న్నారు. ఇవాళ ఎమ్మెల్యే సీట్లు కోల్పోయిన వారు బాధ ప‌డ కూడ‌ద‌న్నారు. వారికి మంచి భ‌విష్య‌త్తు ఉంటుంద‌ని స్ప‌ష్టం చేశారు.
రాజ్య స‌భ ఎంపీలుగా , ఎమ్మెల్సీలుగా , రాష్ట్ర స్థాయిలో సంస్థ‌ల‌కు చైర్మ‌న్ లుగా, మెంబ‌ర్లుగా ఛాన్స్ ఇస్తాన‌ని స్ప‌ష్టం చేశారు కేసీఆర్. ప్ర‌స్తుతం ఆయా నియోజ‌క‌వ‌ర్గాల‌లో సీట్లు రాని వాళ్లు వ‌చ్చిన వాళ్ల‌కు ముందుండి స‌పోర్ట్ చేయాల‌ని సూచించారు సీఎం.
Also Read : CM KCR Contest : గ‌జ్వేల్..కామారెడ్డి నుంచి కేసీఆర్ పోటీ